غزل

حالات بدل شول اوس دهرسړي ترڅنګ ویریږو
سوله دې خدای وکړي کنه له اوږده جنګ ویریږو

عملي جنګ دی داسي نه چي دا فلمي جګړې دي
لحظه لحظه له هري خوانه له غورځنګ ویریږو

زموږماشومان له چورچفاؤچاپو تنګ شوي دومره
وایي چي غږ شي په کوڅه کي دملنګ ویریږو

دلته یوچاورسره کړې زموږ دمرګ فیصله
له دي ناوړه خطرناک هلاک قلنګ ویریږو

بدګوماني تردغه حد رارسیدلي ده نن
که موترخواکښیني حسین او که بدرنګ ویریږو

پېړۍ پېړۍموپه غیرت په سرشارۍ تیري دي
اوس په والله داؤدهمته په خپل ننګ ویریږو

داؤد همت
#دادب_غمي
@Adabi_Ghami