قصيدة لصاحب الزمان ع



محتار شحجي المستهل
وعيوني تارسها الخجل

المشكله . من انتظر . تخلص حياتي
كايلها الك . انت كبل . كشخة صلاتي

تعال . تعال

******

اشهد ان ابو صالح لينه ظاهر
ونكسر اجدام الدمع كدامه باجر
وحظر تجوال انعلن ضد الحوافر
وينشطب من كلشي بالتاريخ عاشر

انت الهوى. بعيني شكثر. تدري شحلاتك
يالمنتظر . عندي ترى . ماكو بغلاتك

للمسئلة رايدلي حل
وعيوني تارسها الخجل

تعال .. تعال

*******

اشهد ان الكَلب بفراكك انصاب
عادة عدنه الينلجم يتنخه الاحباب
الملح يلجم جرح لو ما اله طلاب
مره يحركني بترب مرات بالباب

من دورت . عنك ابد . ما شفته طيفك
يبن الحسن . لمن تون . فدوه علكيفيك

الدمع من جفني انسحل
وعيوني تارسها الخجل

تعال .. تعال
******

حي على فرض البجي والدمع مهتم
كل لحظه بفراكك مثل عاشر محرم
ما اريد اسولف سيدي وبنيتي تعلم
من كلبي فزالك نبض وبجرحه سلم

رسمك ترى .. يا سيدي .. باحلامي طايف
خيرك علي .. مثل البخت .. فوك الصرايف

بذنوبي كلبك ما حمل
وعيوني تارسها الخجل

تعال.. تعال

*******

لو كلبي عاهد سيدي بعشك الامامه
ما خاف من نار الحشر يوم القيامه
طبعي صايرلك سهم وانت الحمامه
من روحي ادعيلك تظل دوم بسلامه

اكتب الك .. وي النفس .. من دمعة المحبره
انثرني يم .. جدمك مثل .. جمرتها للمبخره

بتعذيبك كليبي استقل
وعيوني تارسها الخجل

تعال .. تعال

********

لطلعتك طيف انتظر وشلون ما انتظره
خليني عبدك سيدي يابن عطر الزهره
تقراني وبذنبي استحي يمك شريدن اقره
من عندي بيك شجم جرح ومطرز بجم حسره

وين انتظر .. خاطر انه .. وجهك اشوفه
يا هيبتي .. من هل ذنب .. جرحك شروفه

طعناتي لجروحك غفل
وعيوني تارسها الخجل

تعال .. تعال

*******

سيد احمد الميالي