انه ياهو وخادم مسميني
وبالمجالس ما متعب عيني

حسين...  يا اول بشر يكرم عبيده
حسين... من يثرب احبك مو جديده

وبالمجالس ما متعب عيني

*************

يا ال يثرب عد بشر اول كرامه
انـــه بيش اتــعلك بيوم القيامه
اليحب مثلي شيوضح عن هيامه
وانه يكبر راسي بيك من الخدامه

حسين... بيك اكبر سيدي من افضالك
حسين... ما مسوي احجايه من افعالك

انت ليش بصيتك مسويني
وبالمجالس ما متعب عيني

****************

شكد غرور براسي ابدما ينغفر
وانه ابد ما خاسف عليك الصدر
ليش مدري؟ ومدري شنهي؟ وشنتظر؟
واذنــب ويــاكــ وادور عن عذر

حسين... يالمفضل بعطفك اعله الوادم
حسين... اخــطأ ويــاك واردن نـادم

شكد عظيم لخدمته مدنيني
وبالمجالس ما متعب عيني

************

بالمجلس اكعد سيدي بس العجيبه
ماكـل وجه هاي الخدم بالغــيبه
كل خادم تحبه البشر من طيبه
بس اني شاطر سيدي بتعذيبه

حسين... عذبتك بطعناتي حد ما تنلجم
حسين... بذنوبي كاسر كلبك وحارك خيم

شما اجرحك انت التحاميني
وبالمجالس ما متعب عيني

**************

غلطان وياك شكثر اني بحياتي
المشكله عليك انحسب بحقر صفاتي
وادريك تتلكاني لو جيت بمماتي
ضمني ليك وكلشي يرخصلك يغاتي

حسين... بالكبر يلحكني مثلك منو
حسين... بس انت تستاهل نسميك ابو

كل هذا وانت بخيرك مغطيني
وبالمجالس ما متعب عيني

**************

خادمك اني وتأدبني اعله كيفك
احسبني عبداً عد خدم تخدم مضيفك
اني ما عطشان لحظه بجمر صيفك
ريتك اتلوعني خاطر ما اعيفك

حسين... ياعكال الما كدر واحد نساك
حسين... بداعت رقيتك تعيشني بهواك

ذنوبي كثره وانت الادليني
وبالمجالس ما متعب عيني

*****************

سيد احمد الميالي