LATIF SHE'RIYAT

ANGLAM

Xurshid Narzullaga

Shamollarda g'ubor yo'q,
Shamollarda hayot bor.
Savollarda g'ubor yo'q,
Savollarda hayot bor...

Gullar changi tozalik,
Yo'llar changi tozalik,
Dillar changi chin g'ubor,
Qo'llar changi tozalik.

Hato ekan o'pkalash,
Borliq o'zi bir yuvosh.
Hamma illat odamda,
Endi-endi bo'ldi fosh.

XONDAMIR

Do'stimdan sovg'a!

NOLISH

Shakar qo'shar dunyo, kimning sho'riga,
Bir shamolda singan qancha yelkanlar.
Nolib yotarmikin hozir go'rida,
Daryoni ko'rmasdan o'lib ketganlar...

Butalar yoqildi, qancha polapon,
Jizg'anaklar bo'ldi, kaklik yig'ladi.
Jonlarning ichida faqat olomon,
Malomatlar qildi, shukur qilmadi...

Qolgani ko'nadi har qismatga ham,
Qolgani ko'rganin suyub yashaydi.
Odam shubxa qilar qiyomatga ham,
Qalbiga qabrtosh qo'yib yashaydi...

Neki ne'mat bo'lsa totguvchi o'zi,
Neki fasod bo'lsa bosh suqqan ham u.
Qorni yerga tegar, to'ymaydi ko'zi,
Chashmalarni yutib tosh suqqan ham u...

Qolgani ko'nadi har qismatga ham...

XONDAMIR

*********
Tavbalar qilgani matonat kerak,
Yana biroz insof-diyonat kerak.
Yelkangda o'tirgan shaytonga sendan,
Beqarorlik kerak-xiyonat kerak.

O'tin yorganingda boltangni o'pib,
Suv ichgani borsang yoningga cho'kib,
Xotin urganingda qo'shilib so'kib,
Qo'y misoli haydab-qilar ko'p ermak...

Alloh nomi bilan boshla yumushni...

XONDAMIR

KO'NGILJON
Baraka Boqiyga

"HEY"dan o'tolmadim chorlovlarimda,
Deyolmadim: Akam! yoki singiljon!
Ikkimiz daydidik yaylovlarimda,
Mavhum bo'lib qolaverdng ko'ngiljon...

Hissiz odam dedi meni bir sanam,
Sen ranjiding sir bermadi lek tanam,
Ikkimiz sirlimiz o'zi buncha ham,
Mavhum bo'lib qolaverding ko'ngiljon...

Yugurib chiqmading hech qachon peshvoz,
Poyingga yozdilar qancha poyondoz,
Oxir bildirdilar yomon e'tiroz,
Mavhum bo'lb qolaverding ko'ngiljon...

Yomg'irda kuzatib kuldim, raqsingni,
Hech bir ko'zgu ko'rsatmadi aksingni,
Bo'lak hechkim ko'rolmadi vaslingni,
Mavhum bo'lib qolaverding ko'ngiljon...

Dunyoni suymading, hujrada qolding,
Do'st-u dushmanlarni Hudoga solding.
Haq ishqida yonding, Ishqida yonding...
Mavhum bo'lib qolaverding ko'ngiljon...

XONDAMIR

******
Loyqab oqqan dunyoga,
Sho'ng'iganday daryoga,
Sho'ng'iganlar g'arq bo'ldi...

Oyog'idan tutdi nafs,
Loyga tortib ketdi nafs,
Qorniga loyqa to'ldi...

Yoqalab yurgan bilan,
Oftobni ko'rgan bilan,
O'rtada keng farq bo'ldi...

XONDAMIR

**********
Dardimni bilmaysan deysiz....ehtimol.
Ishq sharob ichirib, tunagan meni.
Na sog'lom odamman va na hasta hol,
Yuragim to'kilib, tugagan mening.

Ichimda buyum yo'q biron, yonmagan,
Ketarda o't qo'yib ketgan beayov.
Og'riydigan joyning o'zi qolmagan,
Meni toshbag'rga yo'yasiz darrov.
Yuragim to'kilib tugagan mening.

Endi o'z holimcha yashayveraman,
Endi ne desalar parvo qilgim yo'q.
Endi qor tagida yashnayveraman,
Endi g'amga botib ketgan ko'nglim yo'q.
Yuragim to'kilib tugagan mening.

Endi kulgularim fursat tanlamas,
Endi armonidan qo'rqar yerim yo'q.
Endi bildim, o'zi dunyo yaramas,
Yashash kerak, endi o'rtar yerim yo'q.
Yuragim to'kilib tugagan mening.

XONDAMIR

DILDAGI GAP

Hudbin bo'lma shoirim,
Birday basharni chorla.
Tomda qolma shoirim,
Balandroq chiqib porla.

Faqat millat demagin,
Butun odamzodga de.
Tegsin desang ko'magim,
Butun odamzodga de.

Qo'shning o'lsa beiymon,
Yoqangdan olar derlar.
Dushman bitta, u shayton,
Qolgani qavm....birlar!

Saodatni kuylasang,
Jamiiy mavjud tilda ayt.
Adolatni o'ylasang,
Yakka turma, yo'lda ayt.

Azal dema, qorindan
Gunoh bilan tushmaslar.
Bari ahli odamlar,
Miyyasi yo'q qushmaslar.

Yozsang bashariyatga yoz,
Haq bo'lsa gar so'zlaring.
Balandroq chiqsin ovoz,
Yonib tursin ko'zlaring...

Qanoatni yoqlab chiq,
Malomatni qorala.
Adolatni yoqlab chiq,
Jaxolatni qorala.

Hozir bedor emassan,
Bedorlik o'shandadir.
Qalbi uyg'oq odamning,
Nafsi tosh kishandadir.

Hudbin bo'lma shoirim,
Birday basharni chorla...!

XONDAMIR

*******
Tushlarga ergashaver,
Qushlarga ergashaver.
Benomusga otilgan,
Toshlarga ergashaver.
Noshudlarga ergashma...

Razolatni kim suygan,
Ko'zlariga qum quygan.
Nafs bilan garrov bog'lab,
Diyonatni yeb qo'ygan,
Nobudlarga ergashma...

Bulutlar izidan yur,
Burgutlar izidan yur.
Ishonchga oyoq qo'yma,
Belavzning yuzidan yur.
Yo'lsizlarga ergashma...

Bilganingcha sevaver,
Sahroga gul sepaver.
Hamma narsa Hudodan,
Tavakkalga ketaver,
Dilsizlarga ergashma...

XONDAMIR

******
Bulutlar yo'rg'alar, soya ergashar...
Marsiya kuylaydi har azim chinor.
Shamol bor-kapalak gulga chirmashar,
Boshqacha keldimi bu yilgi bahor...
Dunyo keksayibdi...Bu dunyo hasta.

Qorlar yog'ib ketdi yozning kunida,
Choponda chiqdilar somon yig'gani.
Patlar g'alat tusda g'ozning dumida,
Odam tugayapdi hadding sig'gani...
Dunyo keksayibdi...bu dunyo hasta.

Quyosh chalg'iyapdi taft taxsimida,
Huruj qilayapdi dam-ba dam suvlar.
Borliq telba tusda, hayratlarim mo'l,
O'txo'r yirtqich misol o'txo'rni quvlar...
Dunyo keksayibdi...bu dunyo hasta.

Yomg'ir bilan olov jangga kirishgan,
Shamol hayqiradi bunda jaxildor.
Dunyo yoshligini yeb bitirishgan,
Milliardlab notavon farzandlari bor...
Dunyo keksayibdi...bu dunyo hasta.

XONDAMIR

*****
Alloh, muxabbatni shunday chizganki,
Unda mavjud ranglar bu dunyoda yo'q.
Kongilga hislarni shunday tizganki,
Undagi ohanglar bu dunyoda yo'q.

Mahliyolik boshqa, muxabbat boshqa.

XONDAMIR

Bolalik...!

Xondamir & Mohim

Mohim.

Qizcha edim beozor,
Kalta sochim qoʻngʻiroq
Qoʻlimdan sira qoʻymay,
Oʻynar edim qoʻgʻirchoq.
Bolalik..!

Xondamir.

Bola edim biram sho'x,
Tinmas edi oyog'im.
Tutdan sindirilgan shox,
Edi shamshir tayog'im.
Bolalik...!

Mohim

O'yinqaroq u damlar,
Goʻzal edi bunchalar.
Hali hamon yodimda,
Onam yopgan kulchalar.
Bolalik...!

Xondamir

Xom emasdi hayollar,
Asli edi poydevor.
Oxiri yo'q orzular,
Bari-bari beg'ubor!
Bolalik...!

Mohim

Dugonalar bir boʻlib
Oʻynasak xola xola
Jajji qoʻgʻirchogimga
Boʻlardim jajji ona .
Bolalik...!

Xondamir

Tinib qoldi bir pasta,
Jo'shib oqqan tuyg'ular.
Dildan chiqmas yorilib,
Soxtalashdi kulgular.
Bolalik...!

Mohim

Oʻzgardi bolalikning
O'yinqaroq dunyosi.
Oldinda katta xayot
Hamda umr savdosi.
Ulgʻaydik..!

XONDAMIR

Dunyo go'zal edi bir zamonlarda,
Ko'zimga sig'gancha quchib yashardim.
Dunyo go'zal edi bir zamonlarda,
Do'llarga bag'rimni ochib yashardim.
Bolalik ayrilib ketdi umrimdan...

abdulboriy

SAMO GÒZAL EDI BIR ZAMONLARDA
TARIX QANI ENDI QAY ONDADIR ?!
RUHIM UCHAR QAY U MAKONLARDA
DARDINGIZ OLAY UKAM XONDAMIR !

XONDAMIR

Kecha yo'qlik sari cho'kib ketdi-yu,
Bugun asorati bilan yashaymiz.
Ey mening holimga kuyungan akam,
Biz ishq harorati bilan yashaymiz...

abdulboriy

ZAMIN GÒZAL EDI BIR ZAMONLARDA
YOSHLIGIM UFURGAN TOMIR QONDADIR
SIZ QOLING NAFISLIK OROMLARIDA
G'AMINGIZ OLAY UKAM XONDAMIR

XONDAMIR

Shkuhlar rangini yuvdi yil yomg'ir,
O'pkamga bir sayoz botar havolar.
Bazan eslash shirin, bazan bir og'ir,
Arxivlarda bitdi tabiiy navolar...
Daryolar qayrilib ketdi umrimdan...

abdulboriy

BORLIQ GÒZAL EDI BIR ZAMONLARDA
KELAJAK SIZDA_KI SHARAF SHONDADIR
ÒTMISH YONIB KETDI BARG HAZONLARDA
ANDUHIZ OLAY UKAM XONDAMIR

XONDAMIR

Hayot shunday ekan aka,
Bazida tong, bazida shom.
Ming bir ozor bir yurakka,
Tandan araz qilar goh jon.

abdulboriy

KÒNGUL GÒZAL EDI_DA BIR ZAMONLAR
QARANG INIM ÒTMISH QAY YONDADIR
YO ÒZGARIB KETDI TURFA ODAMLAR
GARDINGIZ OLAY UKAM XONDAMIR

✍ XONDAMIR & abdulboriy

***********
Sunnatda sobitman, goh farzlarimni unutdim,
Ehsonga intilib goh qarzlarimni unutdim,
Dunyo bosim qildi ko'p...

Chalg'idim shovqinlarda, chiqit to'la, no'talar,
Ichimda yetmay nafas, qalbim qattiq yo'talar,
Dunyo bosim qildi ko'p...

Kun ora bayram qilar, izimdagi shaytonlar...

XONDAMIR