لغياب الاحباب نهدي ثوابه
لمولاتنا زينب عليها السلام

〰️〰️⚜️🙏⚜️〰️〰️

فارگونه الما هوينه افراگهم
ريت نتوسد يروحي اترابهم

ريت وياهم مشينه
ضلي يا روحي حزينه

فارگونه الما هوينه افراگهم

〰️〰️⚜️✍🏻⚜️〰️〰️

ضلي يا روحي اباملهم ما يجون

من السهر والنوح ذبلانه العيون

ما يجرعه اغيابهم گلبي الحنون

والهجر يكتل حنينه
ضلي يا روحي حزينه

فارگونه الما هوينه افراگهم

〰️〰️⚜️✍🏻⚜️〰️〰️

فارگونه والحزن دگ بابنه

يطعن ابنص گلبي هجر احبابنه

ريت وايسمعونه هذا اعتابنه

الراح ما يرجع علينه
ضلي يا روحي حزينه

فارگونه الما هوينه افراگهم

〰️〰️⚜️✍🏻⚜️〰️〰️

ما اضن ترجع ليالينه المضت

عشره ويه احبابنه ابساع انگضت

اشلون ذيج ارواحهم فرگه رضت

اتفرهدو من بين ادينه
ضلي يا روحي حزينه

فارگونه الما هوينه افراگهم

〰️〰️⚜️✍🏻⚜️〰️〰️

من يمر طاريهم ابوكت الغروب

مثل شمعه الروح صدگوني تذوب

ما شفت راحه ابد گلبي يلوب

العشره راحت وانتهينه
ضلي يا روحي حزينه

فارگونه الما هوينه افراگهم

〰️〰️⚜️✍🏻⚜️〰️〰️

راحت العشره او هذيج احلامهم

بعد ما ترجع يروحي ايامهم

حيف ويانه الدهر ما دامهم

من البجي والله عمينه
ضلي يا روحي حزينه

فارگونه الما هوينه افراگهم

〰️〰️⚜️✍🏻⚜️〰️〰️

تـــمـ بعون الله تعالى ـــت
بقـــ✍ـــلمي خادمت ال
البيت ع ام سجاد العسكري
من ذي قار
لانجيز حذف الاسماء
🙏🏻🙏🏻نسالكم الدعاء🙏🏻🙏🏻

https://t.me/Alaqela313