ياحسين👀بعين فرحه وعين دمعه
ياحسين👀خيمتك هيه التجمعه
أبمولدك ياالغالي______يانبض دلالي
🌿🌿🌿🌿🌿🌿🌿🌿🌿🌿🌿🌿🌿
أعگد أجروحي بدمع لمن أجيك
الحالي يشرح مستهلي البين أديك
وأعتنيك أبروح خادم وعتنيك
أبعين دمعه أوفرحه ماضمن عليك
🍂🍂وبيه يوگف چم جرح🍂🍂
🍂🍂گاعد أبجرفه الملح 🍂🍂
ورگظ بيه أخيالي_____يانبض دلالي
🌿🌿🌿🌿🌿🌿🌿🌿🌿🌿🌿🌿🌿
شلون أفرح خايف أتفز الجروح
وأنت روحي وبعد عايش بيه روح
من أشوف النار بالشمعه أنه أنوح
أشم عطر الخيمه ذيچ المايروح
🍂🍂أبمولدك توگف صور🍂🍂
🍂🍂أخيام محترگ ونهر🍂🍂
وعثرأني أبحالي_______يانبض دلالي
🌿🌿🌿🌿🌿🌿🌿🌿🌿🌿🌿🌿🌿
خاف أفرح وأدري باچيلك نبي
وأنت روحك نار بچفوف العبي
شلون أفرح وادري بتك تنسبي
وزينب الحره أعلى تل الزينبي
🍂🍂بريتي مثلوم الحرف🍂🍂
🍂🍂ولون وجهه منخطف🍂🍂
والفرح چتالي_______يانبض دلالي
🌿🌿🌿🌿🌿🌿🌿🌿🌿🌿🌿🌿🌿
أشلون أفرح وأنه أزفن بالزلم
ياعقيدة روحي يالما تنهدم
الهسه أمهم گاعده عيون أوهدم
بقت بس أصورهم اهنا ترسم
🍂🍂 هذا حال أهل العشگ🍂🍂
🍂🍂هيچي عاشت بالحرگ🍂🍂
أبكلشي أنت ابالي______يانبض دلالي
🌿🌿🌿🌿🌿🌿🌿🌿🌿🌿🌿🌿🌿
عوفني وخليني أعيشن بالحسين
وأفرح أبمولده من تبچيلي عين
أبد لا.. تشكل ترى حسين اليقين
وانه أشوفن نحره عيش بيه دين
🍂🍂حسين ميلاده الخيام🍂🍂
🍂🍂حسين بي عاش السلام🍂🍂
حسين هوه أحوالي_____يانبض دلالي
🌿🌿🌿🌿🌿🌿🌿🌿🌿🌿🌿🌿🌿
خادم الحسين المقصر
أبوحسين السرگودي…🕊🕊🕊