نزله


شكر اهديلك انه هواي انه اهواي
عله هل نعمه يمولا يمولاي


ملكت الدنيه بل خدمه ..اشكرك عله هل نعمه
يروحي وحياتي
كعبه وكلبي اليطوفك..رب الكون اذا عوفك
مايقبل صلاتي
يبعد اسنيني يا غالي..ابفضلك صرت انه عالي
وحققت امنياتي

يروح الزهره اكلمك أكلمك
اضل كل عمري اخدمك اخدمك


الك بس تهمل عيوني..الغيرك لا يعذروني
ما نزل دمعتي
اعله مجلس اهلي ربوني..وعابس كمل اجنوني
وزيدهه الحسرتي
وهب بصملي بل عشره..وجون أيدهه للفكره
اكمل وياك قصتي

تحيه الكلبك انه ابعث يروحي
تشافت بسمك جروحي جروحي



انتضرته ابصبر وبهمه..عاشورك يبو اليمه
ابشغف اني اتاني
هلال الشهر مايكمل..عاشورك عليّ طول
منتضره ابحناني
اريد ابمجلسك احضر..اريد ابجي على المنحر
وعلا المسبيه اني

اذا يسألوني شنوا اسمك يل بنين
أكلهم خادم انه حسين انه حسين

غيرك لو عشگت احد..من وحده الكلب يبرد
يمدفي دليلي
بدونك ضايع ابصحره..يغالي ديرتي الحضره
وسيدهه كفيلي
سعيد اني بمعرفتك..لاكن تدري لو عفتك
اكضي ابدمعه ليلي

يبعد أنفاسي وهواها وهواها
خدمتك ماكو سواها سواها


تجارة وربحت بيها...والله أمبارك عليها
خدمتك يغالي
غيرك منهوا لخدمله..غير انته العمر كله
يا عشكي المثالي
ما حبيت انه ابكدك..بكلبي انته بس وحدك
غيرك ما حلالي

حياتي ابدونك متسوا متسوا
دليلي الغيرك ميهوا ميهوا
________________
الشاعر براء العبيدي