ما تمت حكايتنه_عفتيني ابدايتنه
قصتنه بعد بيه _ ناقصه نهايتنه


جنه واحد هسة صرنه اثنين ردي
هوا جم فاطم انه يا روحي عدي
سوا نقبه انتي كتيلي يزهراء
لاكن انتي هسة رحتي وضال وحدي

متحتاجج ترديلي_يافاطم خلص حيلي
رديلي تره العشره_ناقصه نهايتنه

رد إليه اشكد كلته من رحلتي
اه وجروح ابغيابج انتي عفتي
زين أحسبيني يتيم وكصد بابج
وموا إليه الخاطره انتي رجعتي

يا اول جرح وردي_معقوله اضل وحدي
رجعي اليل ما يرحم_ماتمت حكايتنه

انه بعض الضن إثم وجان ضني
لحضه متعوفيني لاكن غبتي عني
كثر ما ابجي وون اني ابغيابج
البلال كلها حفضت طور وني

سفرة روحي حنيتج_رجعي الحيدر وبيتج
معقوله نسيتيني _ ما تمت حكايتنه


ابغيابج راح ارويلج حكايه
منل بدايه بيه ابجي للنهايه
بيه زينب رسمت عله الدار طولج
وجابت عله الحايط وخلت عبايه

كل ما تذكرج تبجي_ويا الحايط تضل تحجي
تكلج ليش عفتني_ماتمت حكايتنه


اصغيره انتي لاكن ابعيني جبيره
التواضع داخ بيج وحار حيره
ايكول ما شايف اميره ابكل حياتي
بيته من طين وفراشه حصيره

يخنكني الهوا المار_لا ن ما طفه هل نار
ريت الموت ياخذني _ ما تمت حكايتنه
___\_________
براء العبيدي

#لك_الفداء_سيدي_اباعبدالله
#خدر_الفواطم_لنشر_القصائد_الحسينيه



________________________
لمن يجد صعوبة بالحن اطلبه من
@moatmed1