اقره رســـاله فاطـم
يــامنــــقذ الــعوالــم
ابكوخ الحزن تلگاهه
إبمصـــحف المئـاتـم

---------
اكتبت مــطلع بالرســـاله عجــل الله طلعـتك
ابدمعي اكتب راح ظيمي ونته اقره ابدمعتك
ثـــــاري وادمـــوع الرســاله تظل تنطر رايتك
يـــمه چي هـــيبه محــمد هاظمـــيه ابغيبتك

هاظــمه فـگــد ابوهـه
واتـدري بالــعذبوهـــه
اشرحلك انه اجروحي
ابمصــــحف المـــئاتـم

----------
النــــه يلمـهدي ادري تبــــچي راح باليـــل اونهـار
وجاي احس يوجعني گلبي لمن اكتب شنهو صار
اعليه فزعت ناس كـثره وانه اگلهـــم هـــذه دار
الهبــط بــي وحــي النبــوه لــيش شالــت كله نار

بــــاب اليــقبله طاهه
ابحرگه الهجم يتباهه
ومهظــوم انتـــه ادري
ابمصـــحف المــــئاتم

-----------

كلمه منطي الطاهه حيدر يدري والهـم ماطـلع
وانه خلف الباب احامي وكثرت اصوات الفزع
الباب لـو مـسدود هينه انفتــح وعلــيه اندفع
وباب والحايط عصرني واسمعت كسـر الظـلع

الألم ما وصــــفه احتار
وفوگ العصر هم بسمار
هاي المصـــايب تقــــره
ابمصــــحف المــــــئاتم

-----------
وابعصرتي باد حيلي وانه والمحسن طحت
گتله محسن يمه اگعد اشفت يايمه اومتت
يمه شـم عـطر الامـومه يمـنك انه اتگـربت
الك مشتاگ الاهدوم الخظر مــن اتحـظرت

بالعتبه تالييه اتموت
والمهد يصبح تابوت
اولا ماسكن ونيني
ابمصحف المئاتم

----------

كلـــشي يبرد من يطــول ابفــترت ايام العمـر
لچن عكس العمر ثاري من يطول ايشب جمر
لمن تتــنفس يلچـــمك ظلـــعي هذه المنـكسر
گلبه يچوي الجمر ادري العنده خد ام منصطر

تســـعـر ابگلـــبك ناري
وعاش ابدمعتـك ثاري
وادري الرساله اتلچمك
ابمصـــــحف المـــئاتم

----------
دار يـلمهدي وكتـــنه مثـــل دورات الــرحه
وعلعــزيز الراح منــعو يمه حــتى النــايحه
وهسه انه ابـكوخ حزني ناصبــتله الـفاتحه
اسوالف ادموع الرساله وادري كلهن جارحه

ابكوخ الالــــم تلگاهه
كل دمــعه من تقراهه
عظم الجرح مختصره
ابمصـــحف المئــــاتم

الخادم
علي الحميداوي الكربلائي