هايزاير ..علي وياك هايزاير علي وياك
@@@@
يالگلبك صدك طاگ..لحسين انت مشتاگ
گاصد للزياره
گاصد اغله محبوب..گاطع هاي الدروب
وابگلبك حراره
تبچي ابلهفه معذور..حيل هوايه مقهور
ليلك وي نهاره
جاي اتواسي بم عون..وي كل اليعزون
وتواسي الاساره

بالشعاير ..علي وياك هايزايرعلي وياك
@@@@
من تمشيله خطوات..تصرخ مثله هيهات
بعناد ال اميه
تمشيله انت كل عام..لابس ثوب الاحرام
وي هاي البريه
صابغ وجهك اتراب..واسيت ام الحجاب
والزهره الزچيه
ماجور والله ماجور..جاي الكربله اتزور
يالكلك حميه

من تسافر علي وياك..هايزاير علي وياك
@@@@
وي زينب والايتام..جاي وكلك الالام
وتادي الشعاير
جاي وجايب اطفال..وي زينب والعيال
وتقدم المناحر
روح الكربله روح..حسينك بابه مفتوح
ميرجعله زاير
ادخل حظرته وطيح..جيتك بالگبر صيح
لا ميخلي حاير

يمه ناطر علي وياك..هايزاير علي وياك
@@@@
روح الصاحب الجود..يكرم لجلك ازنود
وانخاه بالعقيله
زلمه وابن اجاويد..ينطي الحاجه بالايد
روح واعتنيله
فاتح بابه للناس..جيتك گله عباس
بالحضره اشتكيله
گله ابشاربك كون...تحرس هاليخدمون
كل همهم تزيله

بالضماير علي وياك..هاايزاير علي وياك
@@@@@
لو مية مرض بيك... تربة گاعة تشفيك
بس ادخل مقامة
بس تشتم بالتراب...لو شايب ترد شاب
عندة شگد كرامة
كورونا شنو ابيش.. الميت يرجع ايعيش
يرجع بالسلامة
ليهمك مرض روح... هذا اليعدل الروح
هذا ابن الامامة

بالمخاطر علي وياك.. هايزاير علي وياك
@@@@@@@

الخادم عمار الساعدي