ياعذابي ودمعتي - حيره صارت حيرتي
وين اروح بدنيتي - وراح ابوي


بويه دليني عله وجـهــك ماكو بالدنيــا أمــان
أنه ألمن عشت وحدي كون ميته ومن الزمان
دنيا مابـيـها ظـحـكـتـك خاليه من كل حــنان
چان بـعـيـوني شحـلاتـه ومگبره صار المكان

وألـمـفارگ سـولـتـه - دمـعـته لو حسرته
أتصير صعبه عيشته - وراح أبوي


من درت وجهك يبــويه وگــلـت رايـح بالوداع
باأول الخــطوات بعــدك وأنـه حسيت الضياع
أتگلي اريـدنــچ شجــاعه الفرگه مابيها شجاع
الفرگه خلت حزني سوله ودمعة عيوني متاع

موتي حانت ساعته - أخذ گلبي بغـيـبـته
الأبو تخـنـگ عازته - وراح أبوي


حيره يابــويه چــبـيـره والدمـع بخـدودي نــار
أتخيلت وجهك يجيني وراسي بين اركبي صار
بويه ماتــدري الـهـظـيمـه بـغـيــبتك ليــل ونهار
يـنكـسر گلــبي من اشوفــن أبو وأطـفاله الزغار

من اشوفنه ظحـكـته والأطـفال اتــلـگـتـه
كـلـها رادت شبــگـتـه - وراح ابوي



كلمن يعوفونه ناسه عالــحـزن يــبدي الرحـيل
أيگوم گوه يشيل راسه لــمـن أحبــابه تـــشـيل
خلگه يگصر والمصيبه الليــل بااوداعه يــعـيل
يسئل الدمـعـات عنـهـم والـدمـع عـالخد يسيل


وين ابـوي وعـيلــته مـثلي نزلت دمـعـته
هم ذكـرنـي بـغـيـبته - وراح ابوي


من اخر احچايه بوداعك لازمه اصفاحي عله باب
النسـمه اذا هبـت اصيحن رد ابوي من الغياب
كون تـسمـعـني من اريدك ياكل بروحي العـذاب
الغالي اذا فارگـلـه غالي تـرجعه كلـمـات العتاب

غالي تـتعاتـب تـره بكثر دمعي الي جره
روحي نار موجـره - وراح ابوي



لـ حيدر العماري


💠⚜قناة القصائد الملحنه⚜💠
🔰⚜عشاق ام ابيها⚜🔰
👇👇👇👇👇
https://telegram.me/Amabeha5533

💠⚜قناة المواليد⚜💠
🔰⚜عشاق ام ابيها⚜🔰
👇👇👇👇
https://telegram.me/Alhseean
💠⚜قناة قصائد نسائيه⚜💠
🔰شاعرات ام ابيها⚜🔰👇👇👇👇
@ya_katealkafen

منبر عشاق ام ابيها
🔖¦رابـط الـمـجـمـوعه

https://t.me/joinchat/CApOYURwqL2W_R_06oYO8w