بالخيمه كل مطلبها…...راحت تذب معصبها:
وتصيـح ابـو فاضل…..وتصيح ابـو فاضل:
…………………….…………
اسمع طبل بـالحـومه واسمع فزع هل لليله:
گــامـت تعــيل الـوادم يـالمـا تهـاب العـيله:
وكـل عسكر الگاصـدنه اسمـع حـوافر خيله:
شكايـه الـك يالوالي وانتـه الاخو واشكـيله:
زينـب تـره مـاعـدها:
انته الاخـو ومگصدها:
وتصيح ابوفاضل…..وتصيح ابو فاضل:
………………1….…………
مخــنوگه يـاكــفالي وانـته الهـوا وانفاسي:
وانـته النبض يالغالي من الگلب حد راسي:
مثلك بـعد ويـن الگه يـاهيبتي ونـوماسي:
بالـدنيه يـاهي الـعدها كافـل مثلك عباسي:
حگ تلـطم الـمسبيه:
مــن الــمصايب هــيه:
وتصيح ابوفاضل…..وتصيح ابوفاضل:
………………2….…………
اتنخه الكفيل وهوس شاف الاخت محتاره:
رباطـه مالـت حــربي وشـد الـدرع بـأكتاره:
وشج رايته المـعروفـه ابخيمته ونص داره:
ويلـمـع لـمــع بـذراعــه كـل مــا يــفـر بتاره:
گالت كفو من عنده:
هوا الجمع لليرده:
وتصيح ابو فاضل…. وتصيح ابـو فاضل:
…………3………….
شنهي الـزلـم وتهمـج الأ اسـحگ ابمگفاها:
خياله خيل اطبگـها واعلـن جــمع موتاها:
ارد اوفـي عـن اوعودي والمـوزمه اتلگاها:
زينـب وحـگ اعيـونـچ المشـرعه اتـعناها:
والأه الجـموع افـنيها:
اخت ونخت حاديها:
وتصيح ابو فاضل......وتصيح ابـو فاضل:
………4……….
منطـي عـهـد يـالـحره وانـه الـعـهد وفايـه:
ساگي عطاشه الحومه وانه الظعن حدايه:
شحدها الجيم تمنعني عن الفـرات ومـايه:
ابسيفي اكشف دربـه وبـراگـه احطن رايه:
واترس جربتي منه:
وجيوش ازيحن عنه:
وتصيح ابوفاضل....وتصيح ابوفاضل:
……………5……….
مجيد گيطان الصالحي
💠⚜قناة القصائد الملحنه⚜💠
🔰⚜عشاق ام ابيها⚜🔰
👇👇👇👇👇
https://telegram.me/Amabeha5533

💠⚜قناة المواليد⚜💠
🔰⚜عشاق ام ابيها⚜🔰
👇👇👇👇
https://telegram.me/Alhseean
💠⚜قناة قصائد نسائيه⚜💠
🔰شاعرات ام ابيها⚜🔰👇👇👇👇
@ya_katealkafen

منبر عشاق ام ابيها
🔖¦رابـط الـمـجـمـوعه

https://t.me/joinchat/CApOYURwqL2W_R_06oYO8w