استشهاد الإمام الكاظم عليه السلام


موسى الكاظم المظلوم.....وا ويلي على مصابه

گلبي مفطر ومحزون....وا ويلي عله مصابه
عالگضّه بسجن هارون....وا ويلي عله مصابه
عمره مغيب ومسجون...وا ويلي عله مصابه

لا واحد وصل بابه

موسى الكاظم المظلوم....وا ويلي عله مصابه

وسفه عله الجرى والصار...وا ويلي عله مصابه
لا ليل ايعرف وانهار...........وا ويلي عله مصابه
بطامورة ظلم لشرار...........وا ويلي عله مصابه

هارون بحقد جابه

موسى الكاظم المظلوم......وا ويلي عله مصابه

من اهل الفخر والزود .....وا ويلي عله مصابه
صبره ما مثيله حدود ....وا ويلي عله مصابه
وسفه عله الجسر ممدود...وا ويلي عله مصابه

لن سم الغدر صابه

موسى الكاظم المظلوم......وا ويلي عله مصابه

لن عگب الفرج مچتول....وا ويلي عله مصابه
من سم الچبد معلول......وا ويلي عله مصابه
وبنعش الورد محمول.....وا ويلي عله مصابه

يبچي لفگده محرابه

موسى الكاظم المظلوم....وا ويلي عله مصابه

موسى الكاظم ابيا حال....وا ويلي عله مصابه
هالليله النعش ينشال.....وا ويلي عله مصابه
من بعده العمر لا طال....وا ويلي عله مصابه

فدوه لجدمه واترابه

موسى الكاظم المظلوم.....وا ويلي عله مصابه

جينه وما نهاب الخوف......وا ويلي عله مصابه
نصرخ صرخة الملهوف......وا ويلي عله مصابه
وانطب لضريحه زحوف......وا ويلي عله مصابه

كلمن يمزك ثيابه

موسى الكاظم المظلوم.....وا ويلي عله مصابه

نلطم عالصدر والرأس......وا ويلي عله مصابه
وانسمع جميع الناس.....وا ويلي عله مصابه
حد ما تنكطع لنفاس.......وا ويلي عله مصابه

يمه انجمعت احبابه

موسى الكاظم المظلوم......وا ويلي عله مصابه



كلمات عمار الراشدي