راجعلك وحسبات گاضي الدرب
چن رجعة الجندي الخسر بالحرب

وانسيت كلش زين چم طعنه الك
وچم عيسى بيه بكل وكت ينصلب

صفيت روحك ويه نيتك سوه
يا ماي كافي من السهل تنشرب

واتلملمن كلهن علي من رحت
العافك.. الناسيك ..ضحك الغرب

الما يريدك ..باعك بلا سبب
واتلملمن وين التجيس الگلب

أي وانا ذاك البعته..بس رد الك
والعاشگ يحس بيها من ينغلب

موضوع ما فاهمني حقك وانا
بورقة وادري من السهل تنگلب

متوالمين الماي ويه الگمر
منها وعرفت العشره مو بالگرب

وهواي اكو يشورون بس گبتك
لمعت لوادم خارجه من السرب

ياهو الاجه وينفتح گلبك اله
متوازي..؟ ليش تصير مثل الكتب

راجعلك وگتلك رجعتي شنو
چن رجعة الجندي الخسر بالحرب

#انور_بشير