Futuredonater

COVID-19'нинг янги XEC варианти пайдо бўлди

COVID-19 нинг янги варианти XEC биринчи марта Германияда 2024 йилнинг июнь ойида аниқланган ва шу пайтгача Буюк Британия, АҚШ, Дания ва бошқа бир қатор давлатларда ҳам қайд этилган. Америкалик олим, Scripps Research институтининг директори Эрик Топол бу ҳақида X ижтимоий тармоғида ўз фикрларини билдирди. У XEC тарқалиши «энди бошланаётгани» ни таъкидлади.

Тополнинг сўзларига кўра, ушбу вариант кенг тарқалиши учун бир неча ҳафта ёки ойлар керак бўлади ва шундан кейин у жиддий тўлқин келтириб чиқариши мумкин.

«Айни вақтда XEC асосий вариантга айланиб бормоқда, у тез орада кенг миқёсда тарқалиши мумкин. Бироқ бу даражага етиши учун ҳали бир қанча вақт керак бўлади»,

— деб изоҳ берди у LA Times’га.

Олимлар XEC аввалги COVID-19 вариантларига нисбатан бир неча мутацияларга эга бўлиб, бу унинг тезроқ тарқалишига ёрдам бериши мумкинлигини таъкидламоқда. Шунингдек, улар ҳозирги вакциналар инсон соғлиғи учун энг жиддий оқибатларнинг олдини олишда самарали бўлиб қолишини қайд этишди.

XEC билан боғлиқ симптомлар олдинги COVID-19 вариантларига ўхшаш бўлиб, улар юқори тана ҳарорати, турли тана қисмларида оғриқ, чарчоқ, йўтал ёки томоқ оғриғини ўз ичига олади.

Тадқиқотчилар XEC жамоат соғлиғи учун жиддий хавф туғдириши мумкинлигини айтишяпти. Шу сабабли, касаллик тарқалишининг олдини олиш мақсадида вакцинация ва эҳтиёт чораларига эътибор қаратиш зарур, дейиляпти.

Уфффффф😐

🧠@nurbekalimov

Шу кейсдан кейин кўп гуруҳларда, айнан ўсмир болалар, йигитларнинг #me_too (яъни менда ҳам бўлган, мен ҳам гувоҳман) деган ҳикояларини ўқидим, гаплашдим.

Бу ҳолатлар ҳеч қандай ҳуқуқий ҳужжат юритилмайдиган, ёлланма ишчилар жалб қилинадиган хусусий бизнесда кўпроқ учрайди деб айтишяпти.

Биз йигитларни “эркак бўл”, “терпила бўлма”, “сотқинлик қилма”, “чида” деб тарбиялайдиган жамиятмиз. Самосудлар, шахсиятга дахл қилишга муросасиз кураш кераклигини айтмаймиз.

Инбазарга умрим бино бўлиб бормаганман, эндиям бормайман.

Алимовнинг гапига қўшиламан, ҳуқуқ-тартибот органлари ходимларини калтаклайдиган бу тадбиркорга чора кўриши керак.

Ўзини ҳар икки гапни бирида тақводор кўрсатиб, ўзига қарам бўлган ходимига зулм қилган бу касларга Ўзи кифоя қилади, бунисига аниқ ишонаман.

Украинадаги уруш сабабли антибиотиклардан қўрқмайдиган супербактериялар ривожланяпти

Украинадаги уруш антибиотикларга қарши тура оладиган мутацияга учраган супербактерияларнинг ривожланишини кучайтирган.

Шифокорларга кўра, украиналик аскарлардан биттасининг оёғига тушган инфекцияни антибиотиклар билан даволаб бўлмаган ва унинг оёғини кесишга мажбур бўлишган. Бу ҳолат инқироз кучайиб бораётганидан дарак беради.

Бошида шифокорлар 35 ёшли аскарнинг оёғидаги жароҳатни Сент Жорж касалхонасида тезда даволашган. Лекин кейинроқ яна бир муаммо пайдо бўлган — бактериал инфекция унинг чап оёғидаги яраларига чуқур кириб боргани аниқланди.

5 хил антибиотикнинг комбинацияси бактерияларни ўлдира олмаган. Яра йиринглашда давом этаётгани учун шифокорлар бошқа 4 та дорини, бошқа ҳеч нарса ёрдам бермаган ҳолатлар учун ажратилган, жиддий ножўя таъсири бўлган кучли антибиотик — колистинни синаб кўриш учун даволаш режимини ўзгартиришган. Лекин у ҳам ёрдам бермаган.

Ўнлаб йиллар давомида шифокорлар антибиотиклар фойдасиз бўлиб қоладиган антиутопик келажак ҳақида огоҳлантириб келади. Аскарнинг ҳаётини мутацияга учраган супербактериядан сақлаб қолиш учун унинг оёғини тиззадан кесишга тўғри келган.

Аскарни даволашга ёрдам бериш учун чақирилган Челси ва Вестминстер касалхонасининг юқумли касалликлар бўйича маслаҳатчиси доктор Люк Мур бу ҳолатни “яширин пандемия” деб таърифлади.

Агар бактериялар ривожланишда давом этса, бу ҳатто мунтазам тиббий ёрдамни ҳам хавф остига қўяди. Оддий амалиётлар, масалан, боланинг томоғидан бодомсимон безларни олиб ташлаш амалиёти унинг ҳаётига таҳдид соладиган бўлиб қолади.

“Агар биз бу муаммони ҳал қилмасак, у бошқа қиладиган барча ишларимизга таҳдид солади. Бу бизнинг оддий операцияларни бажариш имкониятимизни чеклаб қўяди, саратон касалликларига кимётерапия бериш ҳам хавфли жараёнга айланади”,

деди Мур.

БМТ маълумотларига кўра, агар вазият тубдан ўзгармаса, 2050 йилга бориб 10 миллионга яқин одам бу туфайли нобуд бўлиши мумкин.

Қўрқинчли мусиқа….

🧠@nurbekalimov