እንተዋወስ

የራሱን አላዋቂነት ማን ያውቃል?!

▪️"ከማንም በላይ እኔ አውቃለሁ" ከማለት የበለጠ አላዋቂነት የለም።
ዓይንህ ውስጥ ያለውን ግንድ ዘንግተህ የሰዎች ዓይን ውስጥ ያለን ስንጥር ከማየት የበለጠ እውርነትም የለም።
كَدَعواكِ كُلٌّ يَدَّعي صِحَّةَ العَقلِ-
وَمَن ذا الَّذي يَدري بِما فيهِ مِن جَهل.
"ልክ እንዳንቺ ሙጉት ሁሉም ሰው የዓቅሉንና የአስተሳሰቡን ትክክለኛነት ይሞግታል፣ እራሱ ዘንድ ያለን አላዋቂነትና ሞኝነት ማን ያውቃል?!"ላለውና በ354 ዓ.ሂ ለሞተው የገጣሚዎች አሚር "አል-ሙተነቢ-አላህ ይዘንለት- ልክ ብሏልና።

▪️እራሳችን ዘንድ ትልቅ ሰው፣ አላህ ዘንድ ግን ትንሽና ወራዳ ሰው ከመሆን አላህ እራሱ ይጠብቀን
።የግንባር ዓይን እንደሰጠን ሁሉ የልብም ዓይን ይስጠን።

▪️የሰው ልጅ ከቁርኣንና ሐዲሥ የተጨለፈ የእውቀቱ መጠን አናሳ በሆነና ዲንና ኢማኑ በሳሳ ቁጠር በሆነ ባልሆነው አፉን ይከፍታል፣ የመሰለውንና የመጣለትንም ሁሉ ያወራል።የምላስንና የንግግርን አደገኛነት ጠንቅቆ ያወቀ ሰው ግን አፉን ከመክፈቱና ምንም ነገር ከመናገሩ በፊት ልብና አዕምሮውን ተጠቅሞ በሚገባ ያስባል፣ ንግግሩ አላህን የሚያስደስት፣ ለሰው ልጆች የሚጠቅምና ፍትሃዊ ንግግር መሆኑን አረጋግጦ እንጂ አይናገርም።

🔅("በአላህና በመጨረሻው ቀን የሚያምን ሰው መልካምን ይናገር፣ ካልሆነ ዝምምም ይበል") አርዓያችን ነቢዩ ሙሐመድ ﷺ በሌላም ሐዲሣቸውም የሚከተለውን ብለዋል፣
(إِنَّ الْعَبْدَ لَيَتَكَلَّمُ بِالْكَلِمَةِ مَا يَتَبَيَّنُ فِيهَا يَنْزِلُ بِهَا فِي النَّارِ أَبْعَدَ مِمَّا بَيْنَ الْمَشْرِقِ وَالْمَغْرِبِ")
"አንድ ሰው ያላረጋገጣትን/እርግጠኛ ያልሆነበትን አንዲትን (አላህን የምታስቆጣ) ቃል በመናገሩ ምክንያት ከምስራቅ እስከ ምዕራብ የሚበልጥን ርቀት የጀሀነም እሳት ላይ ወደ ታች ይወርዳል/ይጣላል" ብለዋል።
📚ሐዲሡንም ቡኻሪይና ሙስሊም ዘግበውታል።

▪️ሙስሊም ሆይ ኢማንህ እንዲስተካከል ከፈለግክ ቀድመህ ልብህን አስተካክል፣ አንድ ሰው ምላሱን እስካላስተካከለና እስካልተቆጣጠረ ድረስ ደግሞ መቼም ልቡ ሊስተካከል አይችልም።ልብ ሳይስተካከል ደግሞ መቼም ኢማን አይስተካከልም።

✍🏻 ኡስታዝ አሕመድ  ሸይኽ ኣደም @ዛዱል መዓድ
17/6/1442ዓ.ሂ


https://t.me/+xBNi3Or3YoI4N2Y0

إِنَّ اللَّهَ لَا يَظْلِمُ مِثْقَالَ ذَرَّةٍ ۖ وَإِن تَكُ حَسَنَةً يُضَاعِفْهَا وَيُؤْتِ مِن لَّدُنْهُ أَجْرًا عَظِيمًا

(ሱረቱ አል-ኒሳእ - 40)
አላህ የብናኝን ክብደት ያህል አይበድልም፡፡ መልካም ሥራ ብትኾንም ይደራርባታል፡፡ ከእርሱም ዘንድ ታላቅን ምንዳ ይሰጣል፡፡

فَكَيْفَ إِذَا جِئْنَا مِن كُلِّ أُمَّةٍ بِشَهِيدٍ وَجِئْنَا بِكَ عَلَىٰ هَـٰؤُلَاءِ شَهِيدًا

(ሱረቱ አል-ኒሳእ - 41)
ከሕዝቦችም ሁሉ መስካሪን ባመጣን ጊዜ አንተንም በእነዚህ ላይ መስካሪ አድርገን በምናመጣህ ጊዜ (የከሓዲዎች ኹኔታ) እንዴት ይኾን

يَوْمَئِذٍ يَوَدُّ الَّذِينَ كَفَرُوا وَعَصَوُا الرَّسُولَ لَوْ تُسَوَّىٰ بِهِمُ الْأَرْضُ وَلَا يَكْتُمُونَ اللَّهَ حَدِيثًا

(ሱረቱ አል-ኒሳእ - 42)
በዚያ ቀን እነዚያ የካዱትና መልክተኛውን ያልታዘዙት በእነሱ ምድር ብትደፋባቸው ይመኛሉ፡፡ ከአላህም ወሬን አይደብቁም፡፡


https://t.me/+xBNi3Or3YoI4N2Y0

ክፉ ሸክም !

አላህ እንዲህ ይላል፥
"مَنْ أَعْرَضَ عَنْهُ فَإِنَّهُ يَحْمِلُ يَوْمَ الْقِيَامَةِ وِزْرًا' خَالِدِينَ فِيهِ ۖ وَسَاءَ لَهُمْ يَوْمَ الْقِيَامَةِ حِمْلًا(100-101) " سورة طه.
"ዱኒያ ላይ ቁርኣንን ችላ ያለ (ያላመነበት እና ያልሰራበት) ሰው ኣኺራ ላይ ከባድ ቅጣትን የሚያስከትል ወንጀል ተሸክሞ አላህ ፊት ይቀርባል። ቅጣቱ ውስጥም ይዘወትራል፤ በዛ ቀን የሚሸከሙት ሸክም ከፋ!።" ጣሃ 100-101።

በዘመናችን ቁርኣንን ችላ እንድንል የሚያደርጉ ነገሮች በጣም በዝተዋልና ልባችንን ወደ ቁርኣን እናዙር፤ እንቅራው፣ እናድምጠው፣ ትርጉሙን እንወቅ፣ ህግጋቱን ህይወታችን ላይ እንተግብር። ይህን ካደረግን በዱኒያም በኣኺራም እንከብራለን።ካልሆነ ግን ቁርኣን እራሱ መስክሮብን አላህ ዘንድ መዋረዳችን አይቀርም።

✍🏻ኡስታዝ አሕመድ ሸይኽ ኣደም@ዛዱል መዓድ
ዙልሒጃ 21/1442ዓሂ

https://t.me/+xBNi3Or3YoI4N2Y0