ماښام ماښام له دې کوڅې اوس هغه نه راوځي
د دغه کور لۀ دروازې اوس هغه نۀ راوځي

يو پاک الله به پرې خبر وي ای زخمي زړګيه!
لۀ خندا ډکه خولۀ به چېرته ناسته وي زړګيه*

بس چې هرځای وي پۀ هغې دې سلام ورسيږي
زما پۀ ښکلې ګلبشرې دې سلام ورسیږي

ماته چې هرښکلي خندلي خدای دې اجر ورکړي
دې هم پۀ مينه راکتلي خدای دې اجر ورکړي

پۀ سخت بمبار کې به هم دا زما پۀ زړۀ ورېده
دبګرام تور جېل کې به هم زما پۀ زړۀ ورېده

زۀ ګنهګار ومه د حورو د قيمت نۀ ومه
مجاهد وم، خو پۀ ارمان د شهادت نۀ ومه
………………………………………

*يو پاک الله به پرې خبر وي
له خندا ډکه خولۀ به چېرته ناسته وينه