قاشقایی تورک‌لرین سسی اولاق
✍️#محمد_رحمانی_فر
📝هشتادینجی ایلین قیشیندا #شیراز شهرینه سربازلیغا گؤندریلدیییمده، #آذربایجان‌دان اوزاقلاشدیغیما چوخ اوزولوردوم. اورادا #قشقایی تورک‌لرین یاشادیغیندان خبرسیز دئییلدیم، البته. بیلدییینیز کیمی سربازلیغین اول‌لرینده مرخصی وئرمزلر. بیر گون زوربیللاه‌لا نئچه ساعات‌لیق مرخص‌لیک آلیب، ایلک دؤنه اولاراق، شیراز شهرینی گزمه‌یه چیخدیم. لاپ بئله داریخدیغیم گون‌لرین بیری ایدی، او گون! ندنسه باشیمدا یالنیز #تبریز هاواسی وار ایدی، او گون!
📝کریم خان #ارک-ینین یاخینلیغیندا ماشیندان دوشدوم. ایشیمین اوزو بللی ایدی: هر زاددان قاباق، بیر تئلفون‌خانا تاپیب آناما بیرده سئوگیلیمه (بو گونکو حایات یولداشیما) زنگ آچمالییدیم. بیر بارداق مئیوه سویو ایچمه‌لیییدیم، بیر ده پالتارلاریمی بیر درزی‌یه گؤسترمه‌لیییدیم. بئله‌لیک‌له، شهری آددیملاماغا باشلادیم. آنجاق، ائله او آندا تانیش بیر سس منی اؤزونه ساری چکدی: خیاوان قیراغیندا کاسئت ناوار (بونو بو گونکو گنج‌لر تانیمازلار بلکه) ساتان بیر آغا، #ابراهیم_تاتلی‌سس‌دن بیر کاسئت آچمیشدی. بیرآز اورادا دایانیب، تورک شارکی‌لارینی جانیملا دینله‌دیکدن سونرا یولا دوشدوم. بیرمئیوه سویو توکانینین قاباغیندان کئچدیییمده #گونئل-ین او زامان‌لاردا دیل‌لره دوشن "کیم‌لره قالدی دونیا" شارکیسی منی ایچری چکدی. توکانچی‌نین #قاشقایی تورکو اولدوغونو بیلدیییمده، چوخ سئویندیم. تئلفون‌خانادا دا تورک ماهنیسی سسلنمکده ایدی. چالیشدیرانی ایسه بیر تورک قاشقایی قیزی ایدی. او گونون خاطیره‌سینی هئچ زامان اونوتمارام. اؤن‌یارغی‌لاریما باخمایاراق، شیراز چوخ دوغما گلدی منه، او گون.
📝آموزشی دؤوره‌سینی بیتیردیکدن سونرا باشقا بیر پادگانا گؤندریلدیم. اورادا یالنیز بیر هفته قالاندان سونرا بایرام-ین گلیب چاتماسینا گؤره، مرخص‌لیک آلیب، آنا یوردوم آذربایجانا دؤندوم. مرخص‌لیییه گلدیییمده قاشقایی سرباز یولداش‌لاریم قاییتدیغیمدا اونلارا تورک ماهنی‌لار کاسئت‌لری آپارماغیمی ایسته‌دیلر (او زامان‌لار اینتئرنت هله یایقین دئییلدی و بئله زادلاری الده ائتمک اونلار اوچون چوخ چتین ایدی).
📝شیرازین دادی داماغیما چیخمیشدی. آنجاق، بیر پارا ندن‌لردن آسیلی اولاراق بایرام تعطیل‌لریندن سونرا شیرازدان آیریلمالی، سربازلیغیمی ایسه #ماکو شهرینده ساومالییدیم. نئچه گون غئیبت‌دن سونرا، الیمده تسویه کاغیذی، شیرازا گئتدیم. قاپی‌داکی دژبان منی تانیدیقدا "به سن هاردا قالیبسان؟ جناب سرهنگ هر گون سنی بیزدن سوروشور!" دئدی. بو سؤز بیرآز غریبه گلدی، منه. منیم نئچه گون یوبانماغیم او قدر ده اؤنملی دئییلدی کی قرارگاه فرماندهی اولان بیر سرهنگ شخصاً منی آختارا! هر حالدا ایچری گیریب، تسویه کاغیذیمی الیمه آلیب، بیربیر امضالاری توپلاماغا باشلادیم. اوتاق‌لارین بیرینده ایکن، سرهنگ ایچری گیردی. اوتاقداکی‌لارا بیر پارا بویوروقلار وئردیکدن سونرا منیم اتیکت-یمه باخیب، "ضمناً بو گنج افسرله ده ایشیم وار، گؤندرین منیم اوتاغیما!" دئییب، چیخدی.
📝چوخ فیکره دوشدوم. ندن بو سرهنگ نئچه گون منی آختاریرمیش؟ ندن منی اوتاغینا چاغیردی؟ اولمایا بؤرکومو باشیما قویمادیغما گؤره آجیقلانمیشدی؟ بیلیردیم کی الیمده تسویه کاغاذی اولدوغونا گؤره، منه بیر ایش گؤره بیلمزدی. آما هئچ اولماسا اینجیده بیلردی. اوتاقداکی افسر تسویه کاغیذیمی الیمدن آلیب "گئت گؤر جناب سرهنگ نه دئییر، سورا گل ایش‌لرینی گؤرک!" دئدی. باشقا یولوم یوخ ایدی. سرهنگین اوتاغینا گئتمه‌لی ایدیم. قاپینی چالیب ایچری گیردیم. هئچ زامان دوزگون نظامی احترام قویماغی اؤیره‌نه بیلمه‌میشدیم. آنجاق، بوتون گوجومله احترام قویوب، بؤرکومو گؤتوروب، شوش دوردوم. بؤیوک بیر اوتاق ایدی. سرهنگ ایسه اوتاغین او باشیندا بؤیوک بیر ماسانین آرخاسیندا اوتورموشدو. ایچیمده هله ده هیجان یاشاییردیم...
📝بیر آن فیکریم دینجلدی. سرهنگ قاشقایی لهجه ایله ماسانین دیبینده‌کی صندلی منه گؤستره‌رگ: "گل اوتور!" دئدی. سرهنگین تورک اولدوغونو بیلمیردیم. اصلینده من او پادگاندا ساده‌جه یئددی گون قالیب، مرخص‌لیییه چیخمیشدیم (مرخص‌لیییه نئجه چیخماغیمین دا اؤزونه گؤره ائشیتمه‌لی ماجراسی واردیر). من اوتورارکن زنگ آچیب، ایکی چای ایسته‌دی. کئف احوالدان سونرا، "به سن هاردا قالیبسان، سنین بیزیم پادگانا گلدییینی بیلدیییمدن سنی آختاریرام!" چوخ مات قالدیم. بو سرهنگ منی هاردان تانیییر؟ اولمایا #حفاظت منیم آدیمی بونا وئریب؟ بو فیکیرلر بئینیمده گزیشرکن، سرهنگ علی روشن‌گرایی سؤزونون آردینی توتدو: "اوستاد #اسداله_مردانی_رحیمی، منه تاپشیریب، حتمن سنی اونون گؤروشونه آپارام"... 🌏آردینی کانالیمیزدا اوخویون👇👇
✍️#محمد_رحمانی_فر
📝هشتادینجی ایلین قیشیندا #شیراز شهرینه سربازلیغا گؤندریلدیییمده، #آذربایجان‌دان اوزاقلاشدیغیما چوخ اوزولوردوم. اورادا #قشقایی تورک‌لرین یاشادیغیندان خبرسیز دئییلدیم، البته. بیلدییینیز کیمی سربازلیغین اول‌لرینده مرخصی وئرمزلر. بیر گون زوربیللاه‌لا نئچه ساعات‌لیق مرخص‌لیک آلیب، ایلک دؤنه اولاراق، شیراز شهرینی گزمه‌یه چیخدیم. لاپ بئله داریخدیغیم گون‌لرین بیری ایدی، او گون! ندنسه باشیمدا یالنیز #تبریز هاواسی وار ایدی، او گون!
📝کریم خان #ارک-ینین یاخینلیغیندا ماشیندان دوشدوم. ایشیمین اوزو بللی ایدی: هر زاددان قاباق، بیر تئلفون‌خانا تاپیب آناما بیرده سئوگیلیمه (بو گونکو حایات یولداشیما) زنگ آچمالییدیم. بیر بارداق مئیوه سویو ایچمه‌لیییدیم، بیر ده پالتارلاریمی بیر درزی‌یه گؤسترمه‌لیییدیم. بئله‌لیک‌له، شهری آددیملاماغا باشلادیم. آنجاق، ائله او آندا تانیش بیر سس منی اؤزونه ساری چکدی: خیاوان قیراغیندا کاسئت ناوار (بونو بو گونکو گنج‌لر تانیمازلار بلکه) ساتان بیر آغا، #ابراهیم_تاتلی‌سس‌دن بیر کاسئت آچمیشدی. بیرآز اورادا دایانیب، تورک شارکی‌لارینی جانیملا دینله‌دیکدن سونرا یولا دوشدوم. بیرمئیوه سویو توکانینین قاباغیندان کئچدیییمده #گونئل-ین او زامان‌لاردا دیل‌لره دوشن "کیم‌لره قالدی دونیا" شارکیسی منی ایچری چکدی. توکانچی‌نین #قاشقایی تورکو اولدوغونو بیلدیییمده، چوخ سئویندیم. تئلفون‌خانادا دا تورک ماهنیسی سسلنمکده ایدی. چالیشدیرانی ایسه بیر تورک قاشقایی قیزی ایدی. او گونون خاطیره‌سینی هئچ زامان اونوتمارام. اؤن‌یارغی‌لاریما باخمایاراق، شیراز چوخ دوغما گلدی منه، او گون.
📝آموزشی دؤوره‌سینی بیتیردیکدن سونرا باشقا بیر پادگانا گؤندریلدیم. اورادا یالنیز بیر هفته قالاندان سونرا بایرام-ین گلیب چاتماسینا گؤره، مرخص‌لیک آلیب، آنا یوردوم آذربایجانا دؤندوم. مرخص‌لیییه گلدیییمده قاشقایی سرباز یولداش‌لاریم قاییتدیغیمدا اونلارا تورک ماهنی‌لار کاسئت‌لری آپارماغیمی ایسته‌دیلر (او زامان‌لار اینتئرنت هله یایقین دئییلدی و بئله زادلاری الده ائتمک اونلار اوچون چوخ چتین ایدی).
📝شیرازین دادی داماغیما چیخمیشدی. آنجاق، بیر پارا ندن‌لردن آسیلی اولاراق بایرام تعطیل‌لریندن سونرا شیرازدان آیریلمالی، سربازلیغیمی ایسه #ماکو شهرینده ساومالییدیم. نئچه گون غئیبت‌دن سونرا، الیمده تسویه کاغیذی، شیرازا گئتدیم. قاپی‌داکی دژبان منی تانیدیقدا "به سن هاردا قالیبسان؟ جناب سرهنگ هر گون سنی بیزدن سوروشور!" دئدی. بو سؤز بیرآز غریبه گلدی، منه. منیم نئچه گون یوبانماغیم او قدر ده اؤنملی دئییلدی کی قرارگاه فرماندهی اولان بیر سرهنگ شخصاً منی آختارا! هر حالدا ایچری گیریب، تسویه کاغیذیمی الیمه آلیب، بیربیر امضالاری توپلاماغا باشلادیم. اوتاق‌لارین بیرینده ایکن، سرهنگ ایچری گیردی. اوتاقداکی‌لارا بیر پارا بویوروقلار وئردیکدن سونرا منیم اتیکت-یمه باخیب، "ضمناً بو گنج افسرله ده ایشیم وار، گؤندرین منیم اوتاغیما!" دئییب، چیخدی.
📝چوخ فیکره دوشدوم. ندن بو سرهنگ نئچه گون منی آختاریرمیش؟ ندن منی اوتاغینا چاغیردی؟ اولمایا بؤرکومو باشیما قویمادیغما گؤره آجیقلانمیشدی؟ بیلیردیم کی الیمده تسویه کاغاذی اولدوغونا گؤره، منه بیر ایش گؤره بیلمزدی. آما هئچ اولماسا اینجیده بیلردی. اوتاقداکی افسر تسویه کاغیذیمی الیمدن آلیب "گئت گؤر جناب سرهنگ نه دئییر، سورا گل ایش‌لرینی گؤرک!" دئدی. باشقا یولوم یوخ ایدی. سرهنگین اوتاغینا گئتمه‌لی ایدیم. قاپینی چالیب ایچری گیردیم. هئچ زامان دوزگون نظامی احترام قویماغی اؤیره‌نه بیلمه‌میشدیم. آنجاق، بوتون گوجومله احترام قویوب، بؤرکومو گؤتوروب، شوش دوردوم. بؤیوک بیر اوتاق ایدی. سرهنگ ایسه اوتاغین او باشیندا بؤیوک بیر ماسانین آرخاسیندا اوتورموشدو. ایچیمده هله ده هیجان یاشاییردیم...
📝بیر آن فیکریم دینجلدی. سرهنگ قاشقایی لهجه ایله ماسانین دیبینده‌کی صندلی منه گؤستره‌رگ: "گل اوتور!" دئدی. سرهنگین تورک اولدوغونو بیلمیردیم. اصلینده من او پادگاندا ساده‌جه یئددی گون قالیب، مرخص‌لیییه چیخمیشدیم (مرخص‌لیییه نئجه چیخماغیمین دا اؤزونه گؤره ائشیتمه‌لی ماجراسی واردیر). من اوتورارکن زنگ آچیب، ایکی چای ایسته‌دی. کئف احوالدان سونرا، "به سن هاردا قالیبسان، سنین بیزیم پادگانا گلدییینی بیلدیییمدن سنی آختاریرام!" چوخ مات قالدیم. بو سرهنگ منی هاردان تانیییر؟ اولمایا #حفاظت منیم آدیمی بونا وئریب؟ بو فیکیرلر بئینیمده گزیشرکن، سرهنگ علی روشن‌گرایی سؤزونون آردینی توتدو: "اوستاد #اسداله_مردانی_رحیمی، منه تاپشیریب، حتمن سنی اونون گؤروشونه آپارام"... 🌏آردینی کانالیمیزدا اوخویون👇👇