يانســــيم الي تمرهم
اوياك جيبنه عطرهم
عطر الاحباب
ذكريات الـهم بعدهه
ذيچ الايام اشيردهه
طال الغياب
بالسوالف عيني ياخذهه الحزن
من اسولف بيهم عـــيوني تحن
ياتراب اشبيك ماتــــهده وتچن
چم حبيب العندي جواك اندفن
راحت البسمه امن اهلنه
فارگــــــونه اهل المحنه
والگلب ذاب
يمشي ويانه ويــــتابعنه الاجل
الموت يفتر بيــن ربعي والاهل
چم عزيز الراح چم طيب رحل
عاف بيته وبالگبر صــعبه يحل
موسهل فگـــد الاحبه
ياعلي گـــايلهه صعبه
يا ابو اتراب
عودونه اعليهم وراحو حرام
كون مثل الوادم اعيوني تنام
ياحنان البيهم ايغطي الكلام
عايش المن ياكلب مات الغرام
لاتحب غير التحبهم
ألمنـــــــيه ماتهدهم
اصوابهه اصواب
المات ندري مانرده بالدمــــــــع
شمابچينه اعليه وندگ الظــــلع
ربي جبنه العمر بس نشعل شمع
ماكو واحد عدنه مامره انفـجع
سكنت ابالي صورهم
راحو وتركـــو أثرهم
كلهم اطياب
يانسيم الهـاب من ارظ الشرف
شلون حاله النام بگـبور النجف
بظهر كل اجنازه واحدنه هتف
لاتظيگون الگـــبر جسمه ترف
الدنيا عشگت بس ولدنه
نحـــــــلم بتابوت صرنه
انريد الاسباب
صوت يطلع چني اسمعه ويفتخر
من شهيد الليله دفـــــــنوه بالگبر
صاح هنياله اليظــــــــحي بالعمر
لجل گاعه حسين يلگـاه بالحشر
بفتوه مــــن المرجعيه
ركظو بدرب المـــــنيه
بوجه الارهاب
*شاكر الصيمري
https://t.me/Daher88
اوياك جيبنه عطرهم
عطر الاحباب
ذكريات الـهم بعدهه
ذيچ الايام اشيردهه
طال الغياب
بالسوالف عيني ياخذهه الحزن
من اسولف بيهم عـــيوني تحن
ياتراب اشبيك ماتــــهده وتچن
چم حبيب العندي جواك اندفن
راحت البسمه امن اهلنه
فارگــــــونه اهل المحنه
والگلب ذاب
يمشي ويانه ويــــتابعنه الاجل
الموت يفتر بيــن ربعي والاهل
چم عزيز الراح چم طيب رحل
عاف بيته وبالگبر صــعبه يحل
موسهل فگـــد الاحبه
ياعلي گـــايلهه صعبه
يا ابو اتراب
عودونه اعليهم وراحو حرام
كون مثل الوادم اعيوني تنام
ياحنان البيهم ايغطي الكلام
عايش المن ياكلب مات الغرام
لاتحب غير التحبهم
ألمنـــــــيه ماتهدهم
اصوابهه اصواب
المات ندري مانرده بالدمــــــــع
شمابچينه اعليه وندگ الظــــلع
ربي جبنه العمر بس نشعل شمع
ماكو واحد عدنه مامره انفـجع
سكنت ابالي صورهم
راحو وتركـــو أثرهم
كلهم اطياب
يانسيم الهـاب من ارظ الشرف
شلون حاله النام بگـبور النجف
بظهر كل اجنازه واحدنه هتف
لاتظيگون الگـــبر جسمه ترف
الدنيا عشگت بس ولدنه
نحـــــــلم بتابوت صرنه
انريد الاسباب
صوت يطلع چني اسمعه ويفتخر
من شهيد الليله دفـــــــنوه بالگبر
صاح هنياله اليظــــــــحي بالعمر
لجل گاعه حسين يلگـاه بالحشر
بفتوه مــــن المرجعيه
ركظو بدرب المـــــنيه
بوجه الارهاب
*شاكر الصيمري
https://t.me/Daher88