عُنصرية لون البشرة عندنا هنا بزيادة وكلامهن فاضي وتلقيها تقولك ولله سمحه لكن سمرة كان بيضه را أجمل ملامحها سماح لكن ياريتها بيضه ، انا مفهمتش شندخلكم ومن عطاكم حق التقييم ! المشكله لما حد يجي لحد ويقوله خشمك كبير ولا عيونك صغار وإلخ يطلعوه قليل ذوق وماعندش إنسانية ومن خذا رايه .. هما يقيمو عادي غيرهم يقيمهم لأ
ياريتنا سمر كلنا وقلوبنا بيض علي بعضنا ..
ماملي سمحه والعرب كلها تمدح ف جمالها ومن جوا صفيح فراغ فراغ لا علم لا ثقافه لا شي تلقيها تجري ورا صاحبها اللي فايتها ولا ورا دواوي البنات ولا هذ قلدتني وهذ دارتلي وفلان ميت فيا وتقيم ف خلق ربي
مصح وجهك ولله وجد في ناس واجد اتحسس من الموضوع هذا ي شوية بيض ع اساس بياضتكم بتخششكم الجنة !
محدش يخش للجنه ب لونه وبجماله وبنسبه او جنسه وإلخ
قال الرسول صلىٰ الله عليه وسلم : لا فرق بين عربي و لا أعجمي و لا أبيض ولا أسود إلا بالتقوىٰ 🖤.