2023-yil ichida o‘qigan va men uchun "Yil topilmasi" bo‘lgan kitoblardan biri aynan "Manipulyativ diktatorlar" bo‘ldi. Tarjima, muharrirlik ishi, kitob qamrab olgan masalalar-u, menga bergan bilimlari va anglatganlari shu qadar ko‘p-ki, qunt va yanada ko‘proq biliming bo‘lsa-yu katta bir maqola yoki taqriz yozsang...
Kitobni jamiyat taqdiriga, ijtimoiy hayotga befarq bo‘lmagan eng muhimi vatandosh bo‘lishni maqsad qilgan har bir o‘quvchiga tavsiya qilaman. Kitob bir marotaba o‘qishlik emas, har xolda men shunday hisoblayman.
Kitobni shundoq o‘qish yaramaydi, mutolaadan so‘ng odamlarga kitobning mohiyatini, (post)totalitar rejimning yomonligini yetkazish, manipulyativ diktator va demokratlarni ajrata olishlari uchun har ikkalasining farqini bilishlarini ta'minlash kerak.
O‘z navbatida
HAQIQATni tan olish va e'tirof etish ham lozim. Hamma ko‘ra bilib turishi ammo tan olmasligi haqiqat qurg‘urni ko'zdan nari qilolmaydi. Vaqtida tan olingan "haqiqat" manfaatdor qatlamning foydasiga ishlashi mumkin. Tabiiyki, tan olish bilan hech narsa bitmaydi. Keyingi navbat avval qilingan xatoni qayta qilmaslikka, bosilgan tikonni qayta bosmaslikka yetadi.
Kitob asl haqiqatni ko'rishimizni, oqibatlarni oldindan, sabablarni esa qanday ekanini ko‘rishimizni ta‘minlaydi.
Xulosa, kitobni o‘qishingiz qattiq tavsiya qilinadi.
@Dilnurasblog
