Dilshod Bahrom | Iqtiboschi

@Dilshod_Bahrom

Гео и язык канала: не указан, не указан

Категория: не указана

Oʻqigan yaxshi....

Связанные каналы | Похожие каналы

Гео и язык канала

не указан, не указан

Категория

не указана

Статистика

Избранное

Фильтр публикаций

Скрывать удаленные

Скрывать репосты

Dilshod Bahrom | Iqtiboschi

16 Apr, 10:40

«Bu ummatning nihollari — farzandlarimiz»

Kitob muqaddimasida aytilganidek, hozirgi aksariyat kitoblar kabi farzand tarbiyalashni oʻrgatadigan kitob emas ekan. Kitobdagi mavzular farzand tarbiyalash bilan birgalikda ota-ona boʻlishning masʼuliyati va mohiyatini ochib beradi.

Kitobda ota-onaga eslatma sifatida qiz farzandni qoʻlga olayotganda shunchaki bir chaqaloq yoki farzandni emas, balki jannat kalitini koʻtarayotganini his qilishi aytilgan.

Kitobda yana qiz farzandi bor ota-onalar oʻzlarini Alloh tomonidan tanlangan katta imkoniyat va masʼuliyat egasi sifatida koʻrishlari kerakligi aytilgan. Qiz farzand neʼmat. Agar u goʻzal tarbiya qilinmasa, neʼmatga emas kulfatga aylanishi hech gap emas.

Kitobni yana bir marta oʻqishni niyat qildim. Kitobni turk tilida farzand tarbiyasi mavzusida oʻqigan eng yaxshi kitoblarim roʻyxatiga qoʻshib qoʻydim

#kitob_haqida

@Dilshod_Bahrom | Iqtiboschi

85 0 1 10

Dilshod Bahrom | Iqtiboschi

16 Apr, 09:13

«Zukkolar va landavurlar»

Avvaliga kitob mutolaasini boshlashga qiynaldim. Oʻzimni majburlab birinchi mavzuni oʻqidim va qiziqish bilan mutolaaga kirishib ketdim. Kitobda bizga koʻrinib turgan insonlarning biz koʻrmagan jihatlari yoritib berilgan. Yaʼni muvaffaqiyatli insonlarning yutuqlariga ularning faqatgina tinimsiz ishlashi, oʻrganishidan tashqari turtki boʻlgan omillar va sabablar keltirilgan.

Biz koʻpincha muvaffaqiyatni koʻrinadigan narsalarga bogʻlaymiz, lekin unga erishish bizga koʻrinmaydigan narsalarga ham bogʻliq.

Aytib oʻtishim kerakki, mavzular juda batafsil yoritilgan. Tushunarli qilib aytganda, muallif gapni uzoqdan olib kelgan. Sabr va diqqat bilan oʻqigan odam maqsadni tushunadi. Kitobdan sabablarni ushlashni ham oʻrganish mumkin.

Kitobdan ajoyib iqtibos oldim:

Yil boʻyi tong otmasdan turgan odamning oilasi qashshoqlikni bilmaydi.

#kitob_haqida

@Dilshod_Bahrom | Iqtiboschi

102 0 0 8

Dilshod Bahrom | Iqtiboschi

15 Apr, 07:19

Dilshod Bahrom sahifasi telegramda ochilishidan oldin mana shu koʻrinishda edi.

Daftarda shaxsiy fikr-mulohazalarim yoʻq, lekin shaxsiy fikrimni shakillantirishga yordam bergan iqtiboslar bor.

Anchadan beri daftarga yozmas edim. Bugundan yana yozishni boshladim.

@Dilshod_Bahrom | Iqtiboschi

147 0 0 16

Dilshod Bahrom | Iqtiboschi

12 Apr, 11:33

#iqtibos

Qaniydi yoshlikka bir kun bo‘lsa ham qaytsam edi, unga qarilik nima qilishini aytib berar edim.

«Musulmonning hayotida vaqtning ahamiyati» kitobidan.

Ilova: Bu bir qariya tomonidan «qariganda oʻqishga, oʻrganishga koʻproq vaqtim boʻladi» deb oʻylaydigan yoshlarga aytilgan nasihat ekan.

@Dilshod_Bahrom | Iqtiboschi

393 0 4 6

Dilshod Bahrom | Iqtiboschi

12 Apr, 04:52

#iqtibos

Vaqtni zoe qilish kambag‘allikning alomatidir.

«Musulmonning hayotida vaqtning ahamiyati» kitobidan.

Ilova: Bu iqtibosdan shuni xulosa qildimki, vaqtni zoe qiluvchi dunyodan oladigan foydasini ham, oxiratdan oladigan foydasini ham boy berib kambagʻal boʻlib qoladi.

@Dilshod_Bahrom | Iqtiboschi

203 0 2 10

Dilshod Bahrom | Iqtiboschi

11 Apr, 15:59

#iqtibos

Bo‘sh vaqt doimo bo‘sh bo‘lib qolmaydi, u yo yaxshilik yo yomonlik bilan to'ladi.

«Musulmonning hayotida vaqtning ahamiyati» kitobidan.

Ilova: Demak, boʻsh vaqt degan tushuncha yoʻq ekan. Bizga boʻsh boʻlib koʻrinsa ham, aslida u toʻlayotgan boʻlar ekan.

@Dilshod_Bahrom | Iqtiboschi

177 0 3 2 9

Dilshod Bahrom | Iqtiboschi

11 Apr, 15:40

#soham

Ish topshirilgandan soʻng, dizaynerning birinchi qiladigan ishi logoni kattaroq, matnni esa «жирный»roq qilish boʻladi.

Tushungan tushundi! 😅

@Dilshod_Bahrom | Iqtiboschi

166 0 0 4 6

Dilshod Bahrom | Iqtiboschi

10 Apr, 04:50

Hammaga Ramazon hayiti bayrami muborak boʻlsin!

214 0 2 11

Dilshod Bahrom | Iqtiboschi

8 Apr, 14:41

#kitob_haqida

Xonada kitob sahifalovchilari bilan birga oʻtiraman. Kitob nashr qilish jarayonida qatnashganlarga oʻsha kitobdan bitta sovgʻa qilinadi. Baʼzida ularga hazillashib «yoʻqsil kitobxonlar uchun olgan kitoblaringizdan zakot chiqarib turinglar», deb qoʻyaman. Bu albatta, hazil.

Samimiy hamkasblar bor boʻlishsin. Shu kitoblarni yaqindagina oladigan kitoblarim roʻyxatiga kiritgan edim, bugun sovgʻa qilib turishibdi-da.

Bu kitoblar ikki kursdoshlarning kitobi. Biri Alloh rahmatiga olsin Yorqinjon qori boʻlsalar, ikkinchilari Abdulmannon Abdulloh. Hindistonda birga tahsil olishgan. Bu kitoblar musulmon inson hayotidagi ikki muhim ahamiyatga ega ibodatlarga oid fatvo va savol-javoblarning saralari yigʻilgan kitoblardir.

Kitoblarda juda foydali masalalar keltirilgan. Oʻzi bu ikki inson olgan ilmlarini qaymogʻini yetkazishi bilan tanilganlar. Alloh goʻzal tarzda foydalanishni nasib qilsin.

Hamkasbimdan Alloh rozi boʻlsin.

@Dilshod_Bahrom | Iqtiboschi

268 0 1 4 16

Dilshod Bahrom | Iqtiboschi

7 Apr, 16:33

#iqtibos

Islom sathiy, zohiriy narsalar dini emas. Balki ixlos va amal dinidir. Ibodatlar ixlos bilan boʻlmasa, egasini yaxshi axloq va omillarga boshlamasa, haqiqiy boʻlmaydi.

Inson tili bilan «Musulmonman» deyishi, islomiy amallarning baʼzilarini ado etishi, masalan, namoz oʻqishi ham mumkin, lekin haqiqiy musulmon boʻlsa, iymon alomatlari uning yurish-turishida, muomalasida, gap-soʻzida, ishida, odob-axloqida — hamma-hammasida koʻrinib turadi.

«Tafsiri hilol» kitobidan.

@Dilshod_Bahrom | Iqtiboschi

231 0 2 6

Dilshod Bahrom | Iqtiboschi

6 Apr, 18:00

«Kelajak dushmanlari»

Bu kitob «Iroda tarbiyasi» degan kitobning ancha soddalashtirilgan talqiniga oʻxshadi. Intizom, masʼuliyat, bir ishda bardavom boʻlish masalalari dinimiz, goʻzal hikmatlar va hikoyalar orqali yoritib berilgan.

Kitobdan olgan birinchi iqtibosim muqovada yozilgan. Rasmdan oʻqishingiz mumkin.

Boshqa iqtiboslar bilan ham boʻlishay:

Garchi birinchi marotaba sodir etilgan gunoh oʻta ulkan sanalmasa-da, biroq eng xavflisi hisoblanadi, zero, bu oʻsha illat uchun tashlangan ilk qadamdir.

Maktab shunchaki ilm beruvchi bir maskan boʻlib qolmasdan, ayni paytda yoshlarning nafaqat aql-zakovati, balki irodasini, ruhini tarbiyalasin. Chunki insonning qadr-qimmati va qudrati uning bilimi kengligidan koʻra, oʻz nafsiga ega boʻlishi hamda irodasiga hukumronlik qila olishi; yaxshi odatlar va maʼnaviy tarbiyaga egaligi bilan baholanadi.

#kitob_haqida

@Dilshod_Bahrom | Iqtiboschi

234 0 3 4

Dilshod Bahrom | Iqtiboschi

6 Apr, 11:32

Boʻsh vaqtlarda oʻqilmagan kitoblarni varaqlashning oʻz gashti bor.

Ajoyib iqtibos oʻqib qoldim kechgacha boʻlishaman.

Aytgancha «Atom odatlar» va «Ulamolar nazdida vaqtning qadri» kitoblaridan berib borilayotgan iqtiboslar tugadi. Foydali boʻldi degan umiddaman.

223 0 1 17

Dilshod Bahrom | Iqtiboschi

5 Apr, 16:03

#iqtibos

Yozning harorati xalaqit bersa,
Kuzning hazoni-yu, qishda qahraton.

Bahor goʻzalligi rom etaversa,
Aytgin-chi ilmni oʻqiysan qachon?!

«Ulamolar nazdida vaqtning qadri» kitobidan.

@Dilshod_Bahrom | Iqtiboschi

308 0 8 7

Dilshod Bahrom | Iqtiboschi

5 Apr, 05:33

#iqtibos

Dunyoning koʻp yerlaridagi insonlar koʻziga pul sarflab kitob sotib olish va uni oxirigacha mutolaa qilish yerdan oyga sayohat qilishdek koʻrinadi.

«Ekonomikaning qisqa tarixi» kitobidan.

Ilova: Kitobni buyurtma qilishgan edi. Qiziqib muqaddimani oʻqib koʻrgandim foydali maʼlumotga ega boʻldim. Bir-ikkita doʻstlarga kitob oʻqishni taklif qilib koʻrganimizda yuqoridagi haqiqatga duch kelganmiz.

@Dilshod_Bahrom | Iqtiboschi

245 0 1 5

Dilshod Bahrom | Iqtiboschi

5 Apr, 05:30

#iqtibos

Insonlar yumshoq va egiluvchan boʻlib tugʻiladi;
Oʻsimliklar esa egilmas va qattiq.

Oʻsimliklar mayin va qiyishqoq yaraladi;
Oʻlganda esa moʻrt va quruq.

Shunday ekan, kimki egilib, bukila olmasa,
U oʻlimning izdoshidir.

Kimki mayin va egiluvchan boʻlsa,
U hayot farzandi.

Qattiq va bukilmas narsalar sinadi.
Yumshoqlik va egiluvchanlik gʻolib boʻladi.

«Atom odatlar» kitobidan.

@Dilshod_Bahrom | Iqtiboschi

189 0 2 4

Dilshod Bahrom | Iqtiboschi

4 Apr, 20:01

Bugun va ertangi taroveh namozida oʻqiladigan suralarda qori akalar adashmasliklari kerak. Boʻlmasam butun jamoatdan luqma keladi! 😃

(Hazil)

Xalqimizning aksariyati 29-30 juzlarni yodlashgan. Alloh bundanda ziyoda qilsin.

225 0 1 6 16

Dilshod Bahrom | Iqtiboschi

4 Apr, 16:04

#iqtibos

Oʻzingni, amallaring va vaqtlaringni tartiblab vaqtdan foydalanib qolgin.

Oʻtayotgan vaqtni taʼlim olib, yo taʼlim berib, yo taʼlif etib, yo mutolaa qilib, dars tinglab, tilovat qilib, ibodat qilib oʻtkazishga va undan foydalanib qolishga intilgin.

Vaqtni boy berib, hayoting soatlarini va borligʻing lahzalarini sovurib oʻzingga zulm qilmagin!

Umringni past baholab, foyda koʻrmasdan oʻtkazmagin!

Rohatu dangasalikka talpinib, fazilatu oliy maqomlardan yuz oʻgirayotganingni anglab yetgin!

«Ulamolar nazdida vaqtning qadri» kitobidan.

@Dilshod_Bahrom | Iqtiboschi

258 0 4 6

Dilshod Bahrom | Iqtiboschi

4 Apr, 05:31

#iqtibos

Agar odatlar siz uchun shunchalik muhim boʻlsa, kayfiyatingiz qandayligidan qatʼiy nazar ularga amal qilishda davom etishingiz kerak.

Professionallar tobi tortmay turganda ham oʻz ishini davom ettiradi. Ular bundan lazzatlanmasligi mumkin, biroq mashqlarni oxiriga yetkazish yoʻlini topadi.

«Atom odatlar» kitobidan.

@Dilshod_Bahrom | Iqtiboschi

218 0 2 9

Dilshod Bahrom | Iqtiboschi

3 Apr, 16:05

#iqtibos

Oddiy inson vaqtini qanday oʻtkazishni oʻylaydi, buyuk inson vaqtdan qanday foydalanishni oʻylaydi.

«Ulamolar nazdida vaqtning qadri» kitobidan.

@Dilshod_Bahrom | Iqtiboschi

205 0 1 5

Dilshod Bahrom | Iqtiboschi

3 Apr, 05:30

#iqtibos

Professionallar reja boʻyicha harakat qiladi, havaskorlar esa turli sabablar asosiy maqsaddan chalgʻitishiga qoʻyib beradi.

Professionallar oʻzlari uchun muhim maqsadlarni belgilab, ular tomon ogʻmay harakatlanadi, havaskorlar esa hayotning turli sinovlari taʼsirida yoʻlini yoʻqotib qoʻyadi.

«Atom odatlar» kitobidan.

@Dilshod_Bahrom | Iqtiboschi

195 0 3 7

Показано 20 последних публикаций.

580

подписчиков

Статистика канала

Язык сайта

Методика "Альфа"

Прокачиваем вашу энергию

Карьера, лидерство, ответственность

Dilshod Bahrom | Iqtiboschi

Гео и язык канала

Категория

580