Durdona Yoqubova | blog

Yarashmoq uchun ham nizo tugʼilgan,
Oshiqlar qalbida rizo tugʼilgan.
Imroniy dillarda tugʼilsa Maryam,
Maryamiy ruhlarda Iso tugʼilgan.

Kamtarin tilaklar oʼsolar-oʼsgay,
Javonmard elda gul nisolar oʼsgay.
Nihollar shaklida oʼssa umidim,
Daraxtlar shaklida asolar oʼsgay.

Kõp gʼalat savdolar baso ulgʻaygan,
Goh qiyshiq kulbada raso ulgʻaygan.
Ulugʻbek koʼshkida-Abdulatifxon,
Firʼavn qasrida Muso ulgʻaygan..
•Mansur Jumayev

Inna lillahi va inna ilayhi rojiʼun.
Oxiratingiz obod boʻlsin.

#real

Jamiyatdagi ijtimoiy zulmning eng kattasi oila o'zining nopok o'g'li uchun soliha qiz qidirishidir...

•Muhammad Rotib Nubulsiy

@DurdonaYoqubova

#iqtibos

Bugun hayot seni tikanlari bilan oʻrab olgan boʻlsa, ertaga muqarrar holda gulini ham hidlatishi aniq.
• Nabi Yildiz

@DurdonaYoqubova

#oʻzimga

Sen kuchlisan.
Maqsadlaringni aniq qilib belgilab ololasan.
Baʼzilar *omadi kelib erishgan yutuqlarga sen mehnating bilan yetishding. Qiyin boʻldi, ancha qiyinchiliklardan oʻtding, tayyor tur, ular hali yana keladi.
Chunki sen harakat qilyabsan.Ustozingni gapi doim yodingda tursin : ,,Qalbida Alloh bor insonga hech nima hech qachon osonlik bilan kelmaydi".

Sen bekorga shu davrda,shu insonlar orasida, shu muhit ichida yaralmading. Hamma narsa bir hikmat bilan. Oʻzingdan doim pozitiv energiya tarqat-ki, toʻgʻri yoʻlni topa olmay yurganlar sendek qalb xotirjamligiga erishish yoʻli Allohga yaqinlashish ekanligini tushunishsin.

Shaxsiyating ustida qattiq ishla.
Atrofdagilarga samimiy boʻl.
Gʻiybat, maʼno matrasasiz gaplarga eʼtibor qilma.
Baʼzilarning bemaʼni fikrlariga oʻralashib, yoʻlingni yoʻqotib qoʻyma.

Focusingni doim oʻzingga qarat.

Ha yana bir gap,shuncha gapni qalbingga solgan Zot ularga qanchalik amal qilganing haqida hisob soʻrashini unutma.

Seni yaxshi koʻraman.
Senga ishonaman.
Bundan ham kuchli boʻl.

@DurdonaYoqubova