እንግሊዝ በኢትዮጵያ የሚካሄዱ ኢኮኖሚያዊ እንቅስቃሴዎችን ታሳቢ በማድረግ፣ የመሬት አስተዳደር ሥራዎችን ጨምሮ የሥራ ዕድል ለማስፋፋት የሚያግዙ የኢኮኖሚ ትራንስፎርሜሽን ፕሮግራሞችን ለማስፈጸም የሚያግዝ 105 ሚሊዮን ፓውንድ ስተርሊንግ ወይም 4.71 ቢሊዮን ብር ዕርዳታ መስጠቷን መንግሥት አስታውቋል፡፡

#Reporter
@tikvahethmagazine @tikvahmagBot

1441ኛው የዓረፋ በዓል የፊታችን ዓርብ እንደሚከበር የኢትዮጵያ እስልምና ጉዳዮች ጠቅላይ ምክር ቤት አስታውቋል፡፡ የምክር ቤቱ ፕሬዚዳንት ተቀዳሚ ሀጂ ሙፍቲ ዑመር እድሪስ በሰጡት መግለጫ ሕዝበ ሙስሊሙ በዓሉን በመተጋገዝ እና በትብብር እንዲሁም ራሱን ከኮሮናቫይረስ በመጠበቅ እንዲያከብር ጥሪ አቅርበዋል።

@tikvahethmagazine @tikvahmagBot

ኢትዮጵያ በሁለተኛነት በተፈለፈለው የአንበጣው መንጋ እየተቸገረች ነው

ኬንያ የበርሃ አንበጣን ለማጥፋት በሚያስችል አቋም ላይ እንደምትገኝ የዓለም የምግብና የግብርና ድርጅት (ፋኦ) አስታውቋል፡፡ በመንጋው ከተጠቁ 29 የሃገሪቱ አካባቢዎች 20ዎቹ ነጻ መሆናቸውን ነው የተነገረው፡፡ ሀገሪቱ በቀጣዩ ሦስት ሳምንታት ሙሉ በሙሉ ከመንጋው ነጻ ልትሆን እንደምትችል ተገምቷል፡፡

የድርጅቱ የምስራቅ አፍሪካ መከላከል (ሬዚሊዬንት) ቡድን መሪ ሲሪል ፌራንድ በናይሮቢ በሰጡት መግለጫ ኢትዮጵያ በሁለተኛነት በተፈለፈለው የአንበጣው መንጋ እየተቸገረች እንደምትገኝ የተናገሩ ሲሆን ከኬንያ በፈለሰው መንጋ በከፊል መቸገሯንም ገልጸዋል፡፡ - #AlAin

@tikvahethmagazine @tikvahmagBot

የምስራቅ አፍሪካን  የምግብ  ቀውስ ለመከላከል አስቸኳይ እርምጃ ያስፈልጋል ተባለ

(በኢትዮጵያ ዜና አገልግሎት የቀረበ )

የምስራቅ አፍሪካ የልማት በይነ መንግስታት ባለስልጣን (ኢጋድ) አባል ሀገራት ውስጥ በዚህ አመት ከፍተኛ የምግብ ዋስትና ቀውስ ሊከሰት እንደሚችል ኢጋድ፣ ፋኦና የአለም ምግብ ድርጅት የምግብ ዋስትና በጋራ በሰጡት መግለጫ ጠቁመዋል።

እንደ መግለጫው በምስራቁ ክፍል ወደ 28 ሚሊዮን ዜጎች ለዚህ ችግር እንደሚጋለጡ እና በዓለም ዙሪያ ካለው ጠቅላላ የምግብ ዋስትና ችግር ካለባቸው ውሳጥ 20 በመቶውን እንደሚይዝ ነው የተነገረው።

ከሰኔ እስከ መስከረም ባሉ ወራት በተለይም በምዕራብ ኢትዮጵያ፣ምስራቅ ደቡብ ሱዳን፣ሱዳን ፣ምዕራባዊ ኬንያ እና ሰሜናዊ እና መካከለኛው ኡጋንዳ ለተጨማሪ የጎርፍ አደጋ የመጋለጥ እድላቸው ሊጨምር እንደሚችል የአየር ሁኔታ ትንበያዎች እንደሚያሳዩ ኢጋድ አስታውቋል፡፡

በአባል አገራቱ እስካሁን ከ 47 ሺህ በላይ ዜጎች በቫይረሱ መያዛቸው ነው የገለፀው፡፡ በቀጣይ ሰባት የኢጋድ አባል አገራትን የምግብ ደህንነት፣አኗኗር ሁኔታ ለማሻሻል የሰብዓዊ ፍላጎቶች ድጋፍ እንደሚደረግ ታውቋል፡፡ ይህን ችግር ለመፍታት መንግስት የሚያደርገው እንዳለ ሆኖ ተጨማሪ 3.3 ቢሊዮን ዶላር ያስፈልጋል ተብሏል፡፡

Readmore https://telegra.ph/ENA-07-29

@tikvahethmagazine @tikvahmagBot