بـنت الهَـادي.

تـعـرفوا شـنو الـحُب ؟
الـحُب هـوا صـح حـلو و هكـي ولاكـن واعـر هـلبا ؏ النـاس الـطاهقين اللـي يـحسابوه مـجرد نـحبك وبـس و يـلعـبوا ؏ بنـات الـناس و يعشمـوا فـيهم و كـل مـرة مـن وحـده لـ وحـده هـذا هكـي مـش حُـب هـذا لعـب بـدي و انستنـوا الـدنيا ادور عـليكم و تـوا تـشوفوا كـيف ربـي يـجازيكم الـضعف ربـي مـاينساش حـد .
الـحُب واعـر يبـي حـاجـتين ، يبـي راجـل يخـاف ربـي و يـكون قـده ، و يبـي بنـت نــاس تـصونه و تـصبر .
يبـي راجـل يعـرف قـيمتك ، راجـل عنـده يـموت ولا يـشوف دمعـه مـن دمـوعك ، يبـي راجـل يـدير أي شـئ ؏ خـاطر ضحكتـك ولـو كـان مـستحيلاً الـمهم يحـاول ؏ خـاطر فـرحتك ، يبـي راجـل يـسمع منهـا مـايسمعش مـن غـيرها ، يبـي راجـل فـخور فيهـا و يخـليها رافعـة رأسهـا قـدام اللـي يـسوى و اللـي مـايسواش ، يبـي راجـل يـكون قـد كـلمته و يـاخدهـا بـالحـلال و يـكسر خـشم كـل حـد قـال عـلاقتكم لعـب صغـار ، الـحُب يبـي اثـنين يـكـون الـتفاهم و الـثقة أسـاس عـلاقتهم و يتـحملوا بعـض مهمـا صـاروا مـشاكل بيـنهم ، يـتمسكوا فـ بعـض أكـثر لأنـه الـمشاكل تنـهي الـعلاقات الـضعيفة و تـقوي الـعلاقات القـوية ، مـش راجـل كـل مـن يـسيب بنـت نـاس صـايناته ؏ مـشكلة تـافه ، و مـش بنـت نـاس اللـي تـسيب ولـد النـاس ؏ خـاطر كـلام وهـمين ، اتـحملوا بعـضكم و اتـمسكوا ببعـضكم هـلبااا و خـليكم خـايفين ربـي فـ بعـضكم و مـاترخـوش مـش رجـولة لمـا يبـدوا حـواليك كـدس بنـات هكـي انـتَ أختـهم ، و مـش أنـوثة لمـا حـواليك كـدس ولاد هكـي انـتِ مـعاش بنـت نـاس .
الـحُب يجـي مـرة وحـده بـس حـافظوا ؏ اللـي تـحبوهم لأنـه يـجيكم يـوم و تنـدموا هـلبااا لأنـكم خـسرتوهم و مـستحيل حـد يعـوضكم مكـانهم بـكل بـكل ، حـافظوا ؏ اللـي تحـبوهم بـاش مـيجيش يـوم و تنـدموا فـ وقـت معـاش ينـفعكم الـندم .

و ديمـا هيمـا تـقوللكم اخـتارو صـح بـاش مـاتتـعبوش و مـاتنـدموش ، اختـاروا بنـت النـاس و اختـاروا ولـد الـناس اللـي يخـافوا ربـي .

مـافيش حـد حَ يفـهمك ولا حَ يفهـم وجعـك بـطلو تـحكو و خليكم كـاتمينها ليـن مـن كـثر التـراكمات تـجي ؏ روسكـم تـم ؟

اخـييه ؏ الـوقت لمـا تـحساب روحـك غـالي و متـهونش عـند شخـص معُـيّن و فـ النهـاية تـكتـشف أنـك ولا حـاجة ، يعنـي انـتَ و الـحيط واحـد غـير تـوهم فـ روحـك أنـه حَ يبـادلوك نـفس الـشعور و هـما كـله عـبارة عـن مجـاملات وهكـي .

تخـيل أنـه فـيه شخـص مـش طايـق حـد و مـال مـن هـ الحـياة الـشينه ، لاكـن قـاعد يحـبك .

مـن عـزَّ علـيه أمـري فـل يأخذني معـه فـ دُعائـه و ليكـم بـالمـثل .

لـو الـرضى حُضنـه ، حَ نـزعل حتـى بـدون أسـباب .

و خـلونا متفقـين انـه الـوقوع فـ حُـب شخـص حنـون نـجاة .

ربـي حَ يستـجيب ، و حَ تڪون قـصة جـبري أمـلاً لـلآخـرين .

يحـسس فيـا أنـه أنـا أهـم شخـص فـ حـياته و هـالشعـور ده ديمـا يـفوز بـ قـلبي والله .

النـاس كـلهم ضحكتـهم ضحكـة عـادية ، أمـا هـوا ضحكتـه تـرد الـروح و نـقيطة آخـر الـسطر .

فـ شـوارع حـياتي الـمُظلمة ، كـان هـوا و ضحكتـه أعمـدة الإنـارة فـ حـياتي .

حَ يجـي يـوم و يـراضيك ربـي ، لأنـه هـوا الـوحـيد اللـي عـارف قـداش تـعبت بـدون مَ تحكـي .

وجـود شـخصك الـصح فـ حـياتك ، حَ يغـنيك ؏ كُـل الـناس اللـي حـولك .

خـلونا متفقـين انـه اللـي يحـبك و يخـاف ربـي فـيك ، مـستحيل يخـليك حتـى ولـو كـنـتِ شـوكه بـين يـديه .

اخـتاري صـح بـاش لمـا تنـكدي عـليه مـتهونيش عـليه و هكـي .

و مـع هـذا كـله الـحمدلله مـرات نـقول أكـيد ربـي يحـبني هـذا لاش هكـي يـصير معـاي ، و صـدق اللـي قـال ؏ قـد طـيبتك تـأتيك أوجـاعك فـعلاً و شُـكراً لـكل شخـص وجعنـا ، رغـم كـلامكم اللـي يجـرح و يـوجع و يـبكي الـحجر الأ انـه زي كُـل مـرة مـسامحتـكم لأنـه ربـي يـسامح منـو نـكون قـدام ربـي بـاش منـسامحكمش ؟؟

شـوية فـضفضة وهكـي :
تـوجع هـلباا لمـا يجـي يوم و تـسمعي كـلمة غـلط مـن شخـص غـالي عـليك و مـا كنتـيش تتـوقعي فـي يوم من الأيـام تـسمعيها منـه ، فـ لحـظة حـسيت الـدنيا ظلـمت قـدامي بـديت نـشوف فـ كل شئ سـواد ، فـ لحـظة حـسيت الـدنيا صغـيرة ، ؏ قـد مـا نيتـي صـافيه مـ؏ الكـل و ديمـا نحـب مُسـاعدة غـيري و عمـري مـانرد حـد ولا عمـري وجعـت حـد الأ أنـه الـدنيا تـكافئ فـيا بـالعكس .

مـش ڪل شـئ نڪتـبه يَعنـي يعُـبر ؏ حـالتي ره ، مـرات نڪُـون نعـبر عـليڪُم .