‏انا بحبها بكل تفاصيلها ، بأي حاجة بتحبها أو بتكرهها ، بعيوبها اللي ديما بشوفها ميزة ، بحب اشوفها بتضحك عشان ضحكتها بتفرحني ، قالولي عشان توقعها في حبك ضحكها و اول ما ضحكت انا اللي وقعت ،
صوتها معني الفرحة بالنسبة ليا و ضحكتها بقي بتوصل للخيال أصلاً .. ‏أنا بحبها جداً ، بحبها لدرجة العَبَط، هي مُمكن تكون مش مُتخيلة هي بتعمل فيا إيه من غير ما تقصد ، هي بتشوف تأثيرها عليا من غير ما تكون عارفة إنه بسببها ، بتفرحنى ب أقل حاجه بتعملها ، بحبها وبحب اتكلم عنها عشان هي حلوة لدرجة إنها تستاهل اتكلم عنها طول الوقت، مش بس مره كل فين وفين .. أنا بحب شكلها بس حبى لروحها أكبر ، بحب ابتسامتها بس حبى لضحكتها أكبر ، بحب كسوفها بس حبى لجرأتها أكبر ، بحب جمالها بس حبى لجمال عقلها أكبر ، بحب ثقتها فيا بس حبى لثقتها بنفسها أكبر ، بحب ضعفها بس حبى لقواتها أكبر ، بحب اهتمامها بيا بس حبى لاهتمامها بنفسها أكبر .. أنا بحب دايماً أشوفها بتضحك ، عايز دايماً أبقي معاها ، بركز ف كُل كلمة بتقولها ، لما عنيها بتقفل و هي بتضحك ، لما تغطي وشها لما تتكسف ، لما تتعصب و تهز رجلها ، بطمن جداً و هي جمبي ، عايزها و بس ، مش عايز حاجة غيرها .. بحبها لأنها ذكيه و طموحه ، بتعرف توصل للي هي عايزاه من غير حد ، لانها اختارت تكمل معايا في عز قوتها مش في عز ضعفها ، بحب تفاصيل يومها اللي بتيجي تحكيهالي ف اخر اليو ، بحبها لما تغيير وتحاول تدارى ، بحبها لما تعاند من غير سبب عشان تثبت أنها صح ، بحب كل حاجه فيها♥👑