ባለሥልጣኑ ሁሉም የግል ከፍተኛ ትምህርት ተቋማት ምሩቃንን ስርዓተ ትምህርቱ በሚደነገገው የጊዜ ገደብ እንዲያስመርቁ አሳሰበ
========= ========= ========
የትምህርትና ስልጠና ባለስልጣን በአዋጅ ቁጥር 1263/2014 ዓ.ም እና በደንብ ቁጥር 515/2014 ከተሰጡት ኃለፊነት እና ተግባራት መካከል አንዱ ምሩቃን የሀገሪቱ ስርዓተ ትምህርት ላይ በተቀመጠው የጊዜ ገደብ እና አጠቃላይ ክሬዲትአወር (credit hour) በሙሉ ማጠናቃቀቸውን መቆጣጠር እና ማረጋገጥ ነው፡፡
ሆኖም በአሁኑ ጊዜ ባለስልጣኑ የምሩቃንን የትምህርት ማስረጃዎች በሚያረጋግጥበት ወቅት ተቋማት ስርዓተ-ትምህርቱ ላይ ከተደነገገው የጊዜ ገደብ እና ክሬዲት አወር (credit hour) በታች እንዲሁም በላይ አስመርቀው መገኘታቸውን መረጋገጡን ገልጿል፡፡
በዚህ ደብዳቤ ከተገለጸበት ቀን ጀምሮ የምሩቃን የትምህርት ማስረጃ በስርዓተትምህርቱ ላይ ከተደነገገው የጊዜ ገደብ እና ክሬዲት አወር (credit hour) በታች ወይም በላይ ሆኖ ሲገኝ ባለስልጣኑ ተቋማት ላይ አስፈላገውን የእርምት እርምጃ የሚወስድ መሆኑን አስታውቋል፡፡