أحمد بدر(𝐀𝐡𝐦𝐚𝐝 𝐁𝐚𝐝𝐚𝐫)

فاتح ځواک قطعه
ښايي له نوم سره يې ټول آشنا وئ خو له ټولو وياړونو به يې خبر نه ياست، راځئ څو کرښې يې په اړه درسره شريکې کړم.
فاتح ځواک قطعه اصلاً د فاتح کاروان په ټول کې هغه راټوکېدلې ځوانه او مجهزه باهمته قطعه ده چې د امريکايي اشغالګرو په وروستيو وحشتونو کې يې دښمن ته داسې درس ورکړ چې بالاخره يې د دوحې تړون په لړزانده لاس لاسليک کړ او د تېښتې لپاره يې ځان ته د خټو پوزه جوړه کړه.
هوکې فاتح کاروان هغه کاروان دی چې د هېواد په پلازمېنه کابل کې يې په لومړي ځل استشهادي عمليات پيل کړل او لومړي شهکار عمليات يې په سرینا هوټل کې په بهرنيو يرغلګرو ځواکونو باندې ترسره کړل چې دا د هغه وخت ترټولو خونړي او هيښونکي لومړني عمليات وو.
فاتح کاروان په لومړي ځل د ډلييزو استشهادي عملياتو تاکتيک ايجاد کړ او په لسګونو ساعتونو به يې له خپل وروستي سنګر څخه په دښمن مرګوني بريدونه کول چې په دې توګه به يې ټينګ مقاومت کاوو او دښمنان يې ننګول.
فاتح کاروان د خپلو نادرو تاکتيکونو له مخې په يو ځل هم مهاله په څلورو ولايتونو کې په لسو اهدافو عمليات ترسره کړي دي چې ناټو او امريکا يې هکه پکه حيرانه کړې وه.
فاتح کاروان د امريکا په سفارت شل ساعته جنګ په داسې مېړانه ترسره کړ چې امريکا+ناټو+ د کرزي اداره يې له مخنيوي څخه عاجز وو او استشهادي اتلانو له ۸۲ ملي متري توپ څخه د امريکا په سفارت ګذارونه کول، دا په تېر شل کلن جهاد کې هغه تاريخي عمليات وو چې له امله يې امريکا سربداله شوه او له خپل نږدې دوست پاکستان سره يې اړيکې پرې خړې پړې کړې.
فاتح کاروان د خپلو اعدام شويو مظلومو زندانيانو غچ له سخت زړو قاضيانو په داسې توګه واخست چې هغوی بیا کله هم د بنديانو اعدام ته زړه ښه نه کړ.
بلې فاتح کاروان لومړی په کابل کې استشهادي عمليات پيل کړل او د کابل له فتحې مخکې وروستي استشهادي عمليات هم د فاتح کاروان نوې قطعې فاتح ځواک ترسره کړل چې په دې توګه د استشهادي عملياتو پيل او پای دواړه تاريخي
وياړ د دوی په برخه شو.
که د فاتح کاروان يا فاتح ځواک وياړونه ټول را شمارو نو کتابونه به پرې ډک شي، بس دا مشت نمونه خروار ستاسو حضور ته تقديم شو.
راځئ د خپلو اتلانو يادونه تل ژوندي وساتو او په يو ډول خپل تعلق ورسره ولرو ترڅو په آخرت کې د دوی په ټولي کې ورشمار شو. ان شاءالله https://t.co/y75EPruaUJ‎
أحمد بدر