​​АРМИЯМ

«14 -январь Ватан ҳимоячилари куни» билан барча ватан посбонларини чин қалбимдан муборакбод этаман.


Аскар бор юрт саломат,
Элда тинчлик ҳаловат,
Яшнар равнақ, тижорат,
Бор бўлгин сен армиям.

Ҳур Ватан,нурли осмон,
Иззатда ҳазрат-инсон,
Кекса, ёш ҳуррам, шодон,
Бор бўлгин сен армиям.

Қадамлари ўт , чақин,
Нигоҳлари чўғ,ёрқин,
Ёвлар йўлолмас яқин,
Бор бўлгин сен армиям.

Дунё лол санъатингга,
Доғ тушмас сарҳадингга,
Шубҳа йўқ қудратингга,
Бор бўлгин сен армиям.

Кўксида номус ва ор,
Жалолиддин ёди бор,
Темур руҳи мададкор,
Бор бўлгин сен армиям.

Ўсгин қувватга тўлиб,
Шону,шавкатга тўлиб,
Ватанга қалқон бўлиб,
Бор бўлгин сен армиям.

Аскар бор юрт саломат,
Элда тинчлик,ҳаловат,
Яшнар илму,саодат,
Бор бўлгин сен армиям.