غزل

د مؤمن خان نښان ښاماره سړی څنګه لاړ شي
نن له تورغر نه تر لوی ښاره سړی څنګه لاړ شي

د یار مالت له رسېدلی یم نور مخ ته ځمه
اوس راته لار ښیه رویباره سړی څنګه لاړ شي

د ښار ماڼۍ پاستې چوکۍ ډبل سيټر پاتي شه
شهید جمات او ړنګ مناره سړی څنګه لاړ شي

په دې څرګنده غلامۍ کي ځان په حقه بولي
بیا ماته، لار ښئي په لاره سړی څنګه لاړ شي

داچی ثاني منصورپه اورکي ځان وریته وریته کړو
اوس د منصور په لار تر داره سړی څنګه لاړ شي

ذکرپه خوله کتاب په څنګ اوهم ټوپک اوږه کي
بغیر له دې ښائست سنګاره سړی څنګه لاړ شي

زیري یې کیږي چي په لاره ده راځي ازادي
اوس د شهید تر خړ مزاره سړی څنګه لاړ شي

د شهادت زیری چي وروړمه تر کلي پوري
ریـحانه بیا به دي تر پلاره سړی څنګه لاړ شي

#ریـحان_واك
@Raihan_Aseer