တပ်ကြပ်ကြီးဖိုးကွန်း ✍✍✍

#ကုသိုလ်ကံကောင်းနေတဲ့ ပုဂ္ဂိုလ်တွေဟာ အနာရောဂါ ကင်းနေတာပဲ။ကုသိုလ်တရားဟာ ကျန်းမာမှုကိုဖြစ်စေတယ်။
ကံကြောင့်ဖြစ်ပေါ်လာတဲ့ ရောဂါဝေဒနာဟာ တခြားအရာနဲ့ ကုစားလို့မရဘူး။

လောကလူတွေဟာ အသက်ရှည်ချင်ကြတယ်။

“အသက်ရှည်ကြပါစေ ”လို့ဆုတောင်းဆုယူလုပ်ကြတယ်။

သို့သော် အသက်ရှည်ခြင်းရဲ့ အကြောင်း ရင်းဖြစ်တဲ့ကုသိုလ်ကောင်းမှုကို မေ့လျော့နေရင်တော့ အသက်ရှည်ခြင်းဆိုတဲ့ အကျိုးတရားကို ရမှာမဟုတ်ဘူး။

ဒါကြောင့်မြတ်စွာဘုရားက “အာယုံ- အသက်ရှည်ခြင်းကို ပတ္ထယန္တေန-လိုလားတောင့်တတဲ့ ပုဂ္ဂိုလ်ဟာပုညကြိယာသု- ကုသိုလ်ကောင်းမှုပြုလုပ်ခြင်းတို့၌၊အပ္ပမာဒံ- မမေ့လျော့ခြင်းဆိုတဲ့ အပ္ပမာဒ တရားကို၊ ပသံသန္တိ-ချီးမွမ်းကြတယ်”လို့ဟောတော်မူတယ်။

ဆိုလိုတာဟာ အသက်ရှည်ဖို့ရာအတွက် ကုသိုလ် ကောင်းမှုကိုမမေ့နဲ့လို့ပြောတာဖြစ်တယ်။

ကုသိုလ်ကို မမေ့ရဘူး၊ကုသိုလ်ကောင်းမှုကို အမြဲ
ကြိုးစား အားထုတ်ရမယ်။ ။

နောက်တစ်ခု လူတွေဟာ ကျန်းမာချင်ကြတယ်။

အာရောဂိုယ-ရောဂါကင်းချင်တယ်။ရောဂါကင်း ချင်သည့်အတွက်“အနာရောဂါကင်းရပါလို၏။အနာရောဂါ ကင်းကြပါစေ”လို့ ဆုတောင်းကြတယ်။

အနာရောဂါ ကင်းခြင်း၏ အကြောင်းတရားက
ကုသိုလ် တရားပဲ။

ကုသိုလ်ကံကောင်းနေတဲ့ ပုဂ္ဂိုလ်တွေဟာ အနာရောဂါကင်းနေတာပဲ။

ကံကြောင့်ဖြစ်ပေါ်လာတဲ့ ရောဂါဝေဒနာဟာ တခြားအရာနဲ့ ကုစားလို့မရဘူး။

အခြားအကြောင်းကြောင့် ဖြစ်တဲ့ ရောဂါဝေဒနာ ဟာ ကု စားလို့ ရတယ်။

ဒါကြောင့်ကံကောင်းနေအောင် ကုသိုလ် ကောင်းမှုပြုဖို့ အမြဲတမ်း သတိရနေတဲ့ အပ္ပမာဒတရားဟာ အရေးပါဆုံးပဲလို့ပြောတာဖြစ်တယ်။

အပ္ပမာဒတရားသည် ဘာကြောင့် အရေးပါသလဲ ဆိုရင် ကုသိုလ်ကို ပြုမိအောင် တိုက်တွန်း နှိုးဆော်ပေးတတ်တဲ့ သဘာဝတရားဖြစ်လို့ပါပဲ။

အပ္ပမာဒ တရားရှိရင် ကုသိုလ် လုပ်မိတယ်။

ကုသိုလ်လုပ်မိသည့် အတွက်ကြောင့်ကုသိုလ်ကံကို အခြေခံပြီးတော့ ကျန်းမာမှုကိုရတယ်လို့ ဆိုလိုတယ်။

ဆေးဝါးဓါတ်စာ မှီဝဲလို့ကျန်းမာတယ်၊ရာသီဥတုကောင်းလို့ကျန်းမာတယ်ဆိုတာတွေဟာ အထောက် အကူ လောက်ပဲ ဖြစ်တယ်။

သဘာဝ ခန္ဓာကိုယ်ထဲမှာ ကံက ပေးလိုက်လို့ ရလာတဲ့ ရောဂါမျိုးစေ့ပါလာလို့ ဖြစ်လာတဲ့ရောဂါကျတော့ ဘယ်လိုမှ ကာကွယ်မပေးနိုင်တော့ဘူး။

ရာသီဥတု အစာအဟာရက ပျောက်အောင်မတတ်နိုင်ဘူး ။

ဒါကြောင့် တချို့က ပြောကြတယ် မဟုတ်လား၊ တရားအားထုတ်လိုက်တာ ရောဂါပျောက် သွားတယ်။ ကံကောင်းအောင် လုပ်ပေးလိုက်တာ ဖြစ် တယ်။

ရောဂါဝေဒနာကို ဖြစ်စေတတ်တဲ့အကုသိုလ်ကံတွေကို ရှင်းသွားစေပြီးတော့ ကုသိုလ်ကံတွေ ဖြစ်လာတယ်။

ပစ္စုပ္ပန်မှာဖြစ်တဲ့ မိမိစိတ်မှာလည်းပဲ လောဘ ဒေါသစတဲ့ အကုသိုလ်အညစ်အကြေးတွေ ကင်းစင်သွားပြီး အလောဘအဒေါသစတဲ့ ကုသိုလ် တရားတွေ တိုးပွားလာတယ်။

ထိုအလောဘ အဒေါသစတဲ့ ငြိမ်းအေးတဲ့ကုသိုလ် တရားတွေက ထုတ်လုပ်ပေးတဲ့ ရုပ်တရားဟာ သန့် စင် လာတယ်။ကျန်းမာလာတယ်။

ကုသိုလ်တရားဟာ ကျန်းမာမှုကို ဖြစ်စေတယ်။

ဒါကြောင့် ကုသလရဲ့ အဓိပ္ပါယ်ကို“ကျန်းမာခြင်း”
လို့လည်း ပြောတယ်။

ကုသလဆိုတာ ကျန်းမာခြင်း ဖြစ်တယ်။ ..

ဒီသဘာဝတရားတွေ ရင်ထဲ နှလုံးထဲမှာ ဖြစ်လို့ရှိရင် ကျန်းမာတယ်တဲ့။

ဘာဖြစ်လို့တုန်း ဆိုတော့ အလောဘဆိုတာ Generosity ပဲ။

ပေးချင်တယ်၊ကမ်းချင်တယ်၊လှူချင်တယ်၊ တန်းချင်တယ်။ပေးကမ်းဖို့ အဆင်သင့် ဖြစ်တယ်။

အိမ်မှာ နေရင်းကလဲ မျှဝေသုံးစွဲတယ်။

ကိုယ်စားတဲ့အစာ အာဟာရကို သူများ မျှဝေပေးတယ်ဆိုတာ အင်မတန်မွန်မြတ်တဲ့အလုပ် ဖြစ်တယ်။

အဒေါသ ဆိုရင်လည်း ရင်ထဲမှာ အမုန်းတရား
မထားဘဲနဲ့ တစ်ဦးပေါ်တစ်ဦး အကျိုးလိုလားတဲ့
စိတ်တွေမွေးတယ်။
အဲဒါလည်း အင်မတန် မွန်မြတ်တဲ့ စိတ်ပဲ။

အမောဟဆိုတာလည်း လုပ်သင့်တာနဲ့မလုပ်သင့်တာကို ခွဲခြားသိပြီး မလုပ်သင့်တာကိုရှောင်တယ်၊လုပ် သင့်တာကို လုပ်တယ်။

ဒီတရားတွေ ကိုယ့်သန္တာန်မှာ ရှိနေပြီဆိုရင် ကောင်း ကျိုး ချမ်းသာတွေရလာပြီပေါ့။

လောဘ၊ဒေါသ၊မောဟတရားတွေ ဖြစ်လာပြီဆိုရင် အားလုံးဟာ အလွဲလွဲ အချော်ချော်နဲ့ စိတ်ကိုပူ လောင် စေတယ်။

ထို စိတ်ပူလောင်မှုကြောင့်ကိုယ့်ရဲ့ ရုပ်ကိုလည်း ပူ လောင်စေတာပါပဲ။

စိတ်ပူရင် ရုပ်ပူသွားတာပေါ့။

ဒါကြောင့်ကျန်းမာခြင်းရဲ့ အဓိကသည် ကုသိုလ်ကောင်းမှုပဲဖြစ်တယ်။

ကုသိုလ်စိတ်ဓါတ်တွေပဲပေါ့။အခုလိုကုသိုလ်စိတ်ဓါတ်တွေဖြစ်လာပြီဆိုရင် စိတ်နှလုံး ဖြူစင် အေး ချမ်းလာသည့်အတွက် ကျန်းမာမှုက ပိုကောင်းလာတာဖြစ်တယ်။

ဒါကြောင့် “ကုသိုလ်ကောင်းမှု မမေ့နဲ့” လို့ မြတ်စွာ ဘုရားက ဟောတာဖြစ်တယ်။

#ကျေးဇူးတော်ရှင်ပါမောက္ခချုပ်ဆရာတော်ဘုရားကြီးဒေါက်တာအရှင်နန္ဒမာလာဘိဝံသ

သံတမန်ကျင့်ဝတ်နှင့် အပြန်အလှန် လေးစားတန်ဖိုးထားမှု ဆိုသည်မှာ....
======

ဘီလာရုစ်နိုင်ငံ သမ္မတကို နစက အစိုးရက "အဂ္ဂမဟာသရေစည်သူဘွဲ"ချီးမြှင့်ခဲ့တာ တွေ့ရတယ်။

ဒီဘွဲ့က ပြည်ထောင်စု စည်သူ သင်္ဂဟမှာတော့ ပထမတန်းစား ဖြစ်သလို အမြင့်ဆုံးဘွဲ့ လည်း ဖြစ်တယ်။ သူ့အောက်မှာ သတိုး မဟာသရေစည်သူ၊ မဟာ သရေစည်သူ၊ သရေစည်သူနဲ့ စည်သူ ဆိုပြီး ထပ်ရှိသေးတယ်။ ပိုထူးခြားတာက ဒီဆုကို မြန်မာနိုင်ငံရဲ့ ပထမဆုံး သမ္မတ၊ ဝန်ကြီးချုပ် ဦးနု၊ သမ္မတငြိမ်း ဦးသိန်းစိန်နဲ့ ထိုင်း ဝန်ကြီးချုပ်တို့ကို ပေးအပ်ခဲ့ဖူးတာဖြစ်လို့ ဘီလာရုဇ်သမ္မတဟာ ဒီပုဂ္ဂိုလ်တွေနဲ့အတူတူ တန်းတူ စာရင်းဝင်သွားခဲ့ပြီလည်း ဖြစ်တယ်။

လွတ်လပ်ရေးရပြီး ခေတ်ကတည်းက ဘွဲ့၊ တံဆိပ်နဲ့ သင်္ဂဟ ဆိုပြီး ၃ မျိုး တန်းစားပေးခဲ့တဲ့အထဲမှာ သင်္ဂဟဆိုတဲ့ ဘွဲ့ကတော့ အမြင့်ဆုံးဆိုတဲ့ အနေအထားမှာရှိတာ တွေ့ရသလို ဒီသင်္ဂဟရဲ့ အောက်မှာ သုဓမ္မနဲ့ စည်သူ သင်္ဂဟဆိုပြီး ထပ်ခွဲတာ တွေ့ရတယ်။

စည်သူဆိုတဲ့ ဘွဲ့တွေဟာ သူ့သတ်မှတ်ချက်အရ စစ်ဘက်-အရပ်ဖက် အစိုးရ အရာရှိတွေ၊ တရားသူကြီးတွေနဲ့ သံအမတ်တွေ အများဆုံး ပေးအပ်ခဲ့တာလည်း တွေ့ရတယ်။

ဝန်ချုပ်ကြီးဟာ ဗျာဒိတ်တော်ပါ သမိုင်းအကြောင်းအရာ နဲ့ ရုရှား သမ္မတ ပူတင်ကို ဒီပလိုမက်တစ် ခင်းခဲ့သလို လူကာရှန်ကိုကလည်း သူ့ကို ချီးမြှင့်ခဲ့တဲ့ ဆုတံဆိပ်ကို နမ်းရှိုက်ပြရင်းနဲ့ ဂုဏ်ယူကြောင်း နစက အပေါ် အရိပ်အမြွတ်ပြသခဲ့တာ တွေ့ရတယ်။

တကယ်တော့ ဗျာဒိတ်တော်ပါ သမိုင်းကြောင်းတွေကို သက်ဆိုင်ရာ ပုဂ္ဂိုလ်တွေက စိတ်ဝင်စားခြင်း ရှိခြင်း ၊ မရှိခြင်းကအဓိကမဟုတ်ပါဘူး။ သူ့ဘက် ကိုယ့်ဘက် အပြန်အလှန်နဲ့ အပေးအယူမျှတဲ့ လုပ်ငန်းတွေပြီးမြောက်အောင် ဆောင်ရွက်နိုင်ခြင်းကသာ အဓိက ကျပါတယ်။


(နရီမိုး)

ပဋ္ဌာန်းတရားတွေရွတ်တယ် ၊ အကျိုးမပေးဘူး၊
လူလိမ်ခံရတယ်တဲ့။
အကြွေးတွေဆပ်နေတာကို မသိကြဘူး။

မဟာသမယသုတ်တွေရွတ်တယ် ၊အပြစ်တင် အပြစ်ပြောခံရတာတွေ ရပ်မသွားဘူးတဲ့။
အကြွေးတွေဆပ်နေတာကို မသိကြဘူး။

ဂုဏ်တော်ပုတီးတွေစိပ်တယ်၊စီးပွားရေးတွေတစ်လွဲတစ်ချော်တွေ ဖြစ်နေတုန်းပဲတဲ့။အကြွေးတွေဆပ်နေတာကို မသိကြဘူး။

ရဟန်းတွေခံ၊ရှင်တွေပြု၊ကျောင်းဆောက်၊စေတီတွေတည်၊ဆွမ်းတွေကပ်၊သီလတွေစောင့်တယ်၊စီးပွားရေး၊လူမှုရေးတွေ အဆင်မပြေဘူး၊ ပိုဆိုးလာသတဲ့။အကြွေးတွေဆပ်နေတာကို မသိကြဘူး။

မြတ်စွာဘုရားက
ကုသိုလ်ဆိုတာ အပြစ်ကင်းပြီး ကောင်းကျိုးကို ပေးမယ်လို့ တစ်ထစ်ချ ဟောထားတယ်။ဘုရားစကား ဘုရားတရားဟာ လွဲရိုးထုံးစံ မရှိဘူး။

ကုသိုလ်လုပ်ပြီး အဆင်မပြေဖြစ်တယ် ဆိုတာ
အကြွေးဟောင်းတွေကို ဆပ်နေရတယ်လို့ မှတ်ပါ။

ဘဝတွေမှာ
နှုတ်နဲ့တင်ခဲ့တဲ့အကြွေးတွေ အများကြီး။
ကိုယ်နဲ့ပြုခဲ့တဲ့အကြွေးတွေ အများကြီး။
စိတ်နဲ့ပြစ်မှားမိခဲ့တဲ့အကြွေးတွေ အများကြီး။

ဒီအကြွေးတွေကို ဝိပဿနာဉာဏ်နဲ့မှ မဆပ်နိုင်သေးရင် ဘယ်တော့မှအကုန် မကျေနိုင်ပါဘူး။ကုသိုလ်ပြုတယ်ဆိုတာ အကြွေးတွေကို ဖဲ့ ဖဲဆပ်နေကြတာပါ။အကြွေးမှန်မှန်ဆပ်ရင် တစ်နေ့ အကြွေးကျေကိုကျေမှာပါ။

အကြွေးကျေတဲ့နေ့
လုပ်သမျှကုသိုလ်တွေ အဖတ်တင်တဲ့နေ့၊ လုပ်သမျှ
ကုသိုလ်တွေ တန်ပြန် အကျိုးပေးမယ့်နေ့ လို့ မှတ်ပါ။

မြတ်စွာဘုရားက
ကုသိုလ်ဆိုတာ အပြစ်ကင်းပြီး ကောင်းကျိုးကို ပေးမယ်လို့ တစ်ထစ်ချ ဟောထားတယ်။ဘုရားစကား ဘုရားတရားဟာ လွဲရိုးထုံးစံမရှိဘူး။ယုံယုံကြည်ကြည်နဲ့သာ ဆက်လျှောက်ပါ။

(ပါမောက္ခချုပ်ဆရာတော်ဘုရားကြီး)