КЕЧИР

Тузинг ҳаққи, мени кечиргил.

Ҳалима Худойбердиева

Хайр, агар кўришолмасак,
Азоблардан толиқди бу дил.
Нон насиба, дийдоринг ҳаққи,
«Тузинг ҳаққи, мени кечиргил».

Ҳечам хушнуд этмадим сени.
Мудом ғамлар, қайғулар бердим.
Сенга боллар бераман, дея,
Кечир, мудом оғулар бердим.

Ўтган тунлар ҳурмати кечир,
Кечир лаззат, оғриқлар учун.
Мен – қошингдан ҳайдалган одам,
Айт пойингга бормайин нечун?

Ҳаёт топдим ахир исмингдан,
Чап кўксимда чақинлар чақди.
Сенга қаттиқ азоблар бердим,
Жуда қаттиқ севганим ҳаққи...
2009 йил

@Guljamol_Asqarova