#Муҳлис_минбари
#Мактуб
Ассалому алайкум дунёнинг бор яратиқларининг гоҳ адолатли гоҳ ноҳақ ҳукмлари ичида бардам битиклари билан юрагимни ердан олиб кўкка узатаётган опажоним!
Қадрдонимга айланиб қолган мисраларингизнинг оғушида сиз билан дийдорни соғинаман. Гулжамол Асқарова-дилимга, тилимга, бутун вужудимга сингган исм, сўзлари билан ҳаёлларимни ўзига боғлаган сиймо!
Кўп бора ёнингизга ошиқдим аммо Қўшработнинг бир четида ҳаётига ва ҳаёлларига ўралиб қолган қиз буни уддасидан чиқа олмади. Каттақўрғон ўзиданда катта соғинчимни яна мен билан қолдирди, азм Тошкентнинг тош йўлаклари менга бегоналик қилгандек ўзига чорламади. Ва шу ўринда мени сизга бироз бўлса-да яқинлаштирган ва ғойибона дийдор ато этаётган канал админидан миннатдорман.
Бир куни (содда қизманда) туман марказидаги бозордан қайта туриб сумкамни йўқотиб роса йиғладим. Дугонамнинг овутишига қарамай барибир таскин топмас эдим. У қаердан билсин йўқотганларим ичида жонимнинг бир бўлагига айланиб қолган “Эркалик имтиёзи” китобингиз бор эди…
-Энди бу китобни қаердан топаман ўзи зўрға топган эдим-деб турганимда ортимизда такси кутиб турган йигит
-Гулжамол Асқаровани шеърларини ёқтирасизми?-деб сўраб қолди. Очиғини айтаман, шу дамда кўнглимга ҳеч нарса сиғмагани сабабми унга индамадим. Шунда бу нотаниш йигит дугонамга бир китоб бердида “Телеграмда Гулжамол Асқаровани канали бор” деб китоб муқовасининг ич тарафига нимадир ёзиб берди. Дугонам менга узатганида не кўз билан кўрайки сизнинг “Ошиқлар тумори” китобингиз эди. Орадан анча вақт ўтиб телеграм каналингизга имкон топиб кирдим ва менга янги олам очилгандек бўлди. Канал админига қарасам менга сизнинг китобингизни қолдирган йигит экан. Ўша куни бу йигитга миннаддорлик билдиришга улгурмаган эдим. Чин дилдан қилинган ният амалга ошади дейишади.
Гулжамол опа,
Ҳурлигу хўрлик надир?
Эрксиз ҳар онингни юв!
Эрк аталмиш чашмада
Чашми гирёнингни юв!
Каби ундовларингиз билан мен тетиклашаман, неки ғам бўлсин, неки алам бўлсин барчасини сиздаги дадиллик каби мардона енгишга урунаман, Самарқанддан хатлар ўрнига узун-узун дардлар келганда сиз билан бирга йиғлагим келади.
Опажон,
Сиз билан дийдорни Яратгандан тинмай сўрайман. Ниятим ижобатини кутаман. Сиз эса ўзингизни доим асранг!
Ҳурмат ва эҳтиром билан,
Моҳигул.
Самарқанд вилояти, Қўшработ тумани
https://t.me/Guljamol_Asqarova
#Мактуб
Ассалому алайкум дунёнинг бор яратиқларининг гоҳ адолатли гоҳ ноҳақ ҳукмлари ичида бардам битиклари билан юрагимни ердан олиб кўкка узатаётган опажоним!
Қадрдонимга айланиб қолган мисраларингизнинг оғушида сиз билан дийдорни соғинаман. Гулжамол Асқарова-дилимга, тилимга, бутун вужудимга сингган исм, сўзлари билан ҳаёлларимни ўзига боғлаган сиймо!
Кўп бора ёнингизга ошиқдим аммо Қўшработнинг бир четида ҳаётига ва ҳаёлларига ўралиб қолган қиз буни уддасидан чиқа олмади. Каттақўрғон ўзиданда катта соғинчимни яна мен билан қолдирди, азм Тошкентнинг тош йўлаклари менга бегоналик қилгандек ўзига чорламади. Ва шу ўринда мени сизга бироз бўлса-да яқинлаштирган ва ғойибона дийдор ато этаётган канал админидан миннатдорман.
Бир куни (содда қизманда) туман марказидаги бозордан қайта туриб сумкамни йўқотиб роса йиғладим. Дугонамнинг овутишига қарамай барибир таскин топмас эдим. У қаердан билсин йўқотганларим ичида жонимнинг бир бўлагига айланиб қолган “Эркалик имтиёзи” китобингиз бор эди…
-Энди бу китобни қаердан топаман ўзи зўрға топган эдим-деб турганимда ортимизда такси кутиб турган йигит
-Гулжамол Асқаровани шеърларини ёқтирасизми?-деб сўраб қолди. Очиғини айтаман, шу дамда кўнглимга ҳеч нарса сиғмагани сабабми унга индамадим. Шунда бу нотаниш йигит дугонамга бир китоб бердида “Телеграмда Гулжамол Асқаровани канали бор” деб китоб муқовасининг ич тарафига нимадир ёзиб берди. Дугонам менга узатганида не кўз билан кўрайки сизнинг “Ошиқлар тумори” китобингиз эди. Орадан анча вақт ўтиб телеграм каналингизга имкон топиб кирдим ва менга янги олам очилгандек бўлди. Канал админига қарасам менга сизнинг китобингизни қолдирган йигит экан. Ўша куни бу йигитга миннаддорлик билдиришга улгурмаган эдим. Чин дилдан қилинган ният амалга ошади дейишади.
Гулжамол опа,
Ҳурлигу хўрлик надир?
Эрксиз ҳар онингни юв!
Эрк аталмиш чашмада
Чашми гирёнингни юв!
Каби ундовларингиз билан мен тетиклашаман, неки ғам бўлсин, неки алам бўлсин барчасини сиздаги дадиллик каби мардона енгишга урунаман, Самарқанддан хатлар ўрнига узун-узун дардлар келганда сиз билан бирга йиғлагим келади.
Опажон,
Сиз билан дийдорни Яратгандан тинмай сўрайман. Ниятим ижобатини кутаман. Сиз эса ўзингизни доим асранг!
Ҳурмат ва эҳтиром билан,
Моҳигул.
Самарқанд вилояти, Қўшработ тумани
https://t.me/Guljamol_Asqarova