السلام على زينب وصبرها وخدرها حتى ينقطع النفس. 😭😭

قصيده ع وزن (يقاروره)للحاج باسم الكربلائي.



اما تدري يبوفاضل . صرت عكبك غصن ذابل
تجيني الليله اريدك . عليك الله وعضيدك
____________________
امنيتي يالكافل تجي . وضعي من اشوفك يستقر
لتكلي مااكدر اجي . ياخويه احلفك بالخدر
انا ادري صعبه جيتك. ومقدره يعيوني الامر
بس ترضى ياراعي الشيم . غيرك ينزلني الكبر

اخبرنك خلص عمري . تعال احفر الي كبري
ولو مكطوعه ايدك . عليك الله وعضيدك
____________________
تدري بفركتك يالكمر . . يجويني ضل حته الهوه
تدري اليفاركله محب .. تصبح حياته بلا ضوه
خليني اسولفلك على . جرحي ومصيبه نينوه
جرحي ولايشفه ابد . . الا تجي وبيدك لوه

جرح كلبي.ولايبره . واللي يطيبه . منك نضره
تعال وفكه قيدك .. عليك الله وعضيدك
____________________
لاتعتذر يابوالفضل .. احضر عليك ام الحسن
لو ماتجي وتحضر الي. منهو الذي يلفني بحفن
من لحضه افراكك ونه. . ماطابك العيني جفن
متعطشه روحي الشوفتك . . ارجع قبل لا اندفن

احس روحي .ضمه بيها..وفقط شوفك. يرويها
اريد اشتم وريدك .. عليك الله وعضيدك
____________________
ياكافلي اعليك الضلع . . مرني ولو حته بحلم
ارد الثم اجفوف الوفه . . ومن عينك اشلع هالسهم
واحجي الك عن الشمر. . لمن حرك كل الخيم
طول اختك المثل الشمس . شافو يبو الغيره الزلم

علم عندك .ونه وحدي.. شمر بيده . لطم خدي
جرح كلبي يريدك . . عليك الله وعضيدك
____________________
يابو الوفه مات الوفه .. لمن طحت يم النهر
مثل القوارير وعلي . . ظهري احس انه انكسر
انضر شمر يضحك علي .. ويكلي اكودج لليسر
منهو الذي يفزع الج. . ويخلصج من ايد الشمر

شكثر صحتك . ولاتسمع . . ردت منك . الي تفزع
الحجي ادري يبيدك . . عليك الله وعضيدك
____________________
اخر محطات الحزن . . مسبيه رحت اعله الهزل
بالكوفة مروني وصحت . . ياوالدي خير العمل
حاضر تمنيتك الي .. يوم اللي ماضلي امل
يوم اللي وحدي بكربله .. ومذبحة كل الاهل

لون حاضر . جنت يمي .. فلا واحد . . شتم امي
ولا ميت اوليدك .. عليك الله وعضيدك
____________________
القصيده / تجيني الليله اريدك
خادم زينب عليها السلام
الشاعر الحسيني/علي الاصبحي