Репост из: Jaloliddin
Agar igna yerga yorugʻlik tezligida urilsa, nima boʻladi? 🪡
Post o'ta nazariy boʻladi, shuning uchun postdagi malumotlar ham toʻgʻri yoki notoʻgʻri bo'lmasligi mumkin. Subyektiv fikrlarni ham qo'shganim uchun bu post juda nazariy boʻladi.
🐋Igna yoki har qanday massaga ega jism yorugʻlik tezligiga yetisha olmaydi, bunga sabab esa yorugʻlik tezligining eng katta tezlik ekanligi va barcha uchun o'zgarmas tezlik ekanligida. Siz qanday tezlikda harakat qilmang baribir yorugʻlik tezligiga yetisha olmaysiz va sizga nisbatan yorugʻlik tezligi o'zgarmas boʻladi. Faqat massasiz jismlargina yorugʻlik tezligiga erishishi mumkin. Deylik igna shu tezlikda yerga kelib urildi. Uning energiyasini quyidagicha hisoblaymiz:
E = mc²/ √(1-v²/c²)
E - oʻsha jism (igna) energiyasi
c - yorugʻlik tezligi (≈300 000 km/sekund)
m - oʻsha jism massasi
v - oʻsha jism tezligi
Agar v yorugʻlik tezligiga teng boʻlsa, v = c boʻladi va formuladagi v²/c² = 1 boʻladi, chunki qisqarib ketadi. Kasr tagi shunda √(1-1) = √0 = 0 boʻladi. Formula esa quyidagicha boʻladi:
E = mc²/0
Nolga boʻlish mumkin bo'lmagani uchun buni o'ta nazariy dedim, ammo siz biror bir sonni kichik sonlarga bo'lsangiz, javob cheksizlikka qarab ketadi, shuning uchun E = ∞ boʻladi deb qaraymiz.
Ya'ni har qanday massali jism yorugʻlik tezligida cheksiz energiyaga ega boʻladi, chunki yorugʻlik tezligiga erishish uchun cheksiz energiya kerak boʻladi. Cheksiz energiya esa imkonsiz, shuning uchun ham hech massali jism yorugʻlik tezligiga erisha olmaydi. Yorugʻlik tezligidagi massali jismga esa cheksiz energiya berilgan boʻladi.
Cheksiz energiyali jism yerga urilsa, u yerni yo'q qilib yuboradi. Chunki cheksiz energiya bu tuganmas energiya degani. Igna qandaydir plasma ko'rinishiga kelib qolishi mumkin. Bundan tashqari, yorugʻlik tezligiga yaqin kelgan massali jismning, nisbiy massasi orta boshlaydi, agar biz formulada ishlasak:
m = m0/√(1-v²/c²)
♾ Kasr tagi yana 0 chiqadi va yana nolga bo'lish holatiga duch kelamiz. Ammo, m ni bu yerda cheksizlikka intiladi deb hisoblasak, unda har qanday massali jism yorugʻlik tezligida cheksiz massaga ega boʻladi, chunki yorugʻlik tezligidan oshib ketish imkoni ekan, cheksiz energiyaning qolgan ulushi tezlikni oshirishga emas, massasiga qo'shiladi va cheksiz massani yuzaga keltirib chiqaradi. Cheksiz massa ega har qanday aniq hajmda, cheksiz zichlikni keltirib chiqaradi. Cheksiz zichlik esa salkam singulyarlik degani (nazariy jihatdan). Singulyarlik bor joyda, hamma narsa yanada nazariylashadi. Cheksiz massa, cheksiz gravitatsiyasi kuchini keltirib chiqaradi. Bu esa qora tuynuk. Agar biz Schwardshield radiusini (ya'ni qora tuynuk radiusini) hisoblasak:
Rs = 2GM/c²
Rs - qora tuynuk radiusi
G - gravitatsiyasi doimiysi (o'zgarmas kattalik)
M - qora tuynuk massasi
c - yorugʻlik tezligi
🌌Agar M cheksiz boʻlsa, unda R ham o'z-o'zidan cheksiz boʻladi. Ya'ni bu cheksiz katta qora tuynuk hisoblanadi. Agar gravitatsiyasi ham yorugʻlik tezligida harakat qilsa, cheksiz katta massali igna qora tuynukka aylanib, qora tuynuk radiusi ham yorugʻlik tezligida kattalashib boradi, ya'ni bu qora tuynuk butun koinotni egallab olguncha yorugʻlik tezligida kattalashib boraveradi. Shu tarzda butun koinotni yutib yuboradi, shu bilan cheklanmay, yanada kengayib boraveradi.
Ya'ni, yorugʻlik tezligi bu massali jismlar uchun cheksiz energiyani talab etadi, va bu imkonsiz.
