Apellyatsiya madaniyati
Hozirgi jarayonlardan kelib chiqib yozayapman. Viloyatdagi guruhlarda ham tarqatilsa xursand bo'lardim. Kimgadir foydasi tegar.
Bu murojaat ko’proq o’quvchilar va ularni himoya qilish uchun kelgan o’qituvchilari uchun. Mana soat 13:00 bolalar olimpidadan chiqdi. Quyidagi qadamlarni bajarib ko'ring:
1-qadam: Baholash me’zonini oling.
2-qadam: Masalalarning yechimlari va baholash me’zoni bilan yaxshilab tanishib chiqing. (bunga sizga 20-30 minut yetarli). Shunda masalani yaxshiroq his qilasiz.
3-qadam: Ana endi, o’quvchining yozgan ishini viloyatdagi mas’ullar tomonidan tashkil qilingan guruhdan yuklab oling.
4-qadam: O’quvchingiz bilan birga o’tirib o’quvchingizning ishiga baho bering. Bunda siz o’quvchining ishini baholash me’zonida berilgan ball kabi baholashga harakat qiling.
Qani hakamlar 100-200 talab ishni 3-4 kishi tekshirguncha siz o’quvchingizni ishini qanchalik baholaysiz. Ishonaman albatta siz hakamlardan yaxshi baholaysiz.
5-qadam: Endi natija e’lon qilinishini kuting.
Natija e’lon qilindi.
6-qadam: O’quvchingizning ishiga hakamlar tomonidan qo’yilgan ballarini va o’zingiznikini solishtiring. Bunga sizga 30-40 sekund vaqt ketadi. Agar tafavut bo’lsa, apelyatsiya bering. Aks holda, uyingizga borib dam oling ertaga test.
Yuqorida normal holatda apelyatsiya qanday bo’lishini yozdim. Xalqaro olimpiadada 6 ta o’quvchining ishini himoyasi uchun bizga bor-yo’g’i 30 daqiqa vaqt beriladi. Unda ham avval biz (bo’lani o’qituvchisi) borib ishga necha ball berganimizni aytamiz. So’ngra hakamlar o’zini balliga qarab ko’radi. Agar ballar mos kelsa, muhokamaga o’rin yo’q. Aks holda, ishlarni muhokama qilamiz.
Endi bizdagi holat:
1-2-3-4-5-qadamlar: O’quvchi olimpiadadan chiqdi endi natija chiqqunicha olimpiada pul bo’layotgani, nohaqliklar, bolalar alternativ yechimlari borligi-yu lekin ularga hakamlarni aqli yetmasligi va hkzlar haqida hayol surib yoki gaplashib o’tiramiz.
Baholash me’zoni apelyatsiya boshlanmagunicha hech kimga kerak emas! To’g’rida hali bola yechdimi yo’qmi nima qilamiz uni ishini ko’rib chiqib o’zimizni ovora qilib.
Bolani ishi. Nima-u?! Uni tekshirish hakamlarni ishi, manga nima aloqasi bor uni.
Natija e’lon qilindi. (Apelyatsiyaga ariza topshirish uchun 30 minut=1800sekund vaqt berildi)
6-qadam:
-Eng baland kimga qo’yishibdi?!
-Topqani o’shani ishini qani qani qanaqa yozibdi.
- xatosini qidir, qidir... nimasidir bo'lishi kerak.
-Xato topilmayaptiku; Unday bo'lsa original yechim bilan tekshir. Yechimini oldindan sotib olgan bo'lishi kerak. Bunaqa ko'p ball olishi mumkin emas!
-Voy yana nohaqlik, hakamalar sotilgan.
-Apelyatsiya beramizmi?
-Foydasi yo’q. Baribir hammasi sotilgan va hkz.
- 30 minutda nimaga ham ulguramiz.
Bevafo dunyo. Olimpiadadan ko’nglim qolgan va hkzlar.
-Apellyatsiya beramizmi?
-ha beramiz.
-Kirib necha ball so’raymiz?
-Biz maksimum so’rab o’tiraveramiz; qolgani hakamni muammosi. Pulini olyaptiku tekshirsinda.
Xullas yuqoridagi gaplar ko’pchilikka yoqmasligi mumkin. Lekin, ayni haqiqat shunday. Hakamlar ham odam. 100-200 ta (5 tadan masalaning yechimi bilan) ishni 3-4 soat ichida tekshirishni ideal qilib tekshirishni iloji yo’q aslida. Shuning uchun butun dunyoda apellyatsiya normal jarayon. Bizda esa hamma uchun yoqimsiz bir jarayon.
