قاري محمد یوسف احمدي: حکومتي ادارې مکلفې دي، چې د مطبوعاتي برنامو له لارې خپل فعالیتونه او لاسته راوړنې له خلکو سره شریکې کړي.
د سکتوري ادارو د تبلیغاتي او نشراتي فعالیتونو د تنظیم او انسجام په موخه د اطلاعاتو او رسنیو مرکز لخوا جوړ شوی د حکومتي ادارو تبلیغاتي پلان د وزارتونو او ادارو له ویاندویانو سره شریک شو.
د دغه پلان پربنسټ حکومتي ادارې مکلفې شوي، چې د خپلو فعالیتونو او لاسته راوړنو په اړه د مطبوعاتي برنامو له لارې خلکو سره معلومات شریک کړي.
د اطلاعاتو او رسنیو مرکز رییس قاري محمد یوسف احمدي وايي؛ د دې پلان په رڼا کې د اطلاعاتو او رسنیو مرکز موظف دی، چې د حکومتي ادارو فعالیتونه په میاشتني ډول ترتیب او د سکتوري وزارتونو ترڅنګ یې له اړوندو مراجعو سره هم شریک کړي.