په چا اعتماد وکړو

فریب او چل بازي ده په کم خوا اعتماد وکړو
ای وخته راته وښــایه په چا اعتماد وکړو

په سلو کي به یو دخدای لپاره ملګري کړي
نو څنګه په دي خلګو د دنیا اعتماد وکړو

درواغو ته موقع چي برابره کړي لګیا شي
مشکل ده چي په یوبل په رښتیا اعتماد وکړو

عالم هم ګناهونه کړي له لاري نه بد راه شو
ضرور نه دی په هر رنګه ملا اعتماد وکړو

دا څرنګه مخونه دي نن ښکلي سبا خوړین شي
غافل به یو له مرګ چي په ښکلا اعتماد وکړو

احسانه یو گړﺉ لا په باور دا دنیا نده
ژوندي به یو مونږ نن چي په سبا اعتما وکړو

احسان الله احسان
خپلواکی پرګنی.بصری څانګه
https://t.me/Khaplwakay_basri_sanga