اوس په وطن کي بیخي امن دی،جګړې نسته
اوس مو اوږې سپکي دی شکـــر جنازې نسته

اوس نوې کونډه، نوې بـوره، نوې وراره، نسته
اوس مو کورونو کي د ویر ډکي صحنې نسته

اوس هم کوربه اوهم میلمه په اطمنان ویده وي
اوس زړونه نه دربیږي اوس دشپې چاپې نسته

اوس ظلم نسته،وحشت نسته،اوس الحمدلله!
وحشي فوځــــــونه د ناټــــو او امریکې نسته

اوس خپلواکي ده،امارت دی،سپین بیرغ رپیږي
اوس د اشغـــال او استعمار ترخې قیصې نسته

اوس"خاطِري" پـــــه اسلامي نظام ژوند تېرَوي
اوس یې شعـــــــرو کي ویرلــــړلي ترانې نسته

احمد"خاطِري"
۱۴۴۲/۲/۵هـ ق