Telegram-канал "مصطفىٰ الفاخري'" — @MKH_92Ly

مصطفىٰ الفاخري'

25 Dec 2024, 11:55

‏نا اللي دموعي ينزلن في جوفي
دموع صمت ما فيهن شهيق و نوح

ونا اللي علي هيئة جروح حروفي
مع سطيرهن لاقي دواء للروح

ونا اللي اطّاول من احذاهن خوفي
اخطور البعيد و ستهتي و الموح

ونا اللي امغمّد لي زمان سيوفي
ونا اللي تركت المعركه بجروح

ـ مصطفىٰ الفاخري

3 0 0

مصطفىٰ الفاخري'

24 Dec 2024, 12:03

‏انراجع جيت في كتاب الغرام
اندوّر بين طيّاته حلول

لعاشق غير في عشقه انضام
و شايل فوق من حمله حمول

راقد ريح عايش في أوهام
و ينظر فيه هالحال امعدول

لقيت الضي في وسط الظلام
نخش معاك ف الموضوع طول

عزيز معاه ماعندي كلام
مغير عليه عندي مانقول

ريافي زاد في وان الخصام
لها تميت الملاقا عجول

العين ابعده مليانه اجمام
دموع انكان ينهدّن ؛ سيول

ايزيلن كل غيظي والغمام
بهن نرتاح مانسمر ليول

و نرجا فيه لوصارت منام
يجيني كان صاعب لي وصول

ـ مصطفىٰ الفاخري

20 0 0

مصطفىٰ الفاخري'

23 Dec 2024, 04:08

أفكار يخطرن م الليل لاوان الضحى
أفكار جادّات وما عرفت أسبابهن

أفكار ما لهن تفسير ويريدنْ دها
أفكار كان نفهمهن انصكّر بابهن

أفكار جايبات الغيظ والضيق والعنا
أفكار موش داير ف الزمان حسابهن

أفكار غامضات وموش دي وينحكى
سراب غير مو كيف السراب سرابهن

أفكار كيف من صالح وعاهد واعتدى
أفكار ريبةً فيهن أفكار انهابهن

أفكار حرت فيهن ما معاهن شي نجا
أفكار من خطاهن ما يبان صوابهن

أفكار حارمات العين من نوم الهنا
أفكار وين باديهن ووين عقابهن

أفكار نين منهن ضاق بالي وامتلى
الخاطر اهموم و طال فيْ عذابهن

أفكار خلفن ستهة مع موح وشقا
أفكار خاطري مني بعيد مشا بهن

انريد غير طاريهن يغيب وينتسى
أفكار ريت زينتهن مثيل اعطابهن

ـ مصطفىٰ الفاخري

43 0 1