उषासूक्त
तांबूस स्तनांचा
प्रफुल्ल उद्रेक
विश्वास दावीत ये।
सोनेरी मांड्यांची
मिरास पृथ्वीच्या
मातीत रोवीत ये।।
तमात लोपल्या
रंगीत रेषांचे
प्रासाद बांधीत ये।
मृत्यूची राणीव
जिण्याची जाणीव
पुनश्च सांधीत ये।।
पक्ष्यांच्या पंखांत
झऱ्यांच्या गीतांत
आकाश पेरीत ये।
मानवी संज्ञेच्या
कड्यात कलेचे
कैलास कोरीत ये।।
अंधाऱ्या गुहांत
डोहांत, सूर्याचा
सांगावा शिपीत ये
सावळ्या घनांच्या
तळ्यांत तेजाची
कमळे लावीत ये।।
अरूप विश्वात
आकारबंधांची
आरास मांडीत ये।
सूर्याच्या समोर
अशेष आपुले
अस्तित्व सांडीत ये।।
-कुसुमाग्रज
(१/करार एका तार्याशी)
@Marathi_Kavita_Sangraha 🌻
तांबूस स्तनांचा
प्रफुल्ल उद्रेक
विश्वास दावीत ये।
सोनेरी मांड्यांची
मिरास पृथ्वीच्या
मातीत रोवीत ये।।
तमात लोपल्या
रंगीत रेषांचे
प्रासाद बांधीत ये।
मृत्यूची राणीव
जिण्याची जाणीव
पुनश्च सांधीत ये।।
पक्ष्यांच्या पंखांत
झऱ्यांच्या गीतांत
आकाश पेरीत ये।
मानवी संज्ञेच्या
कड्यात कलेचे
कैलास कोरीत ये।।
अंधाऱ्या गुहांत
डोहांत, सूर्याचा
सांगावा शिपीत ये
सावळ्या घनांच्या
तळ्यांत तेजाची
कमळे लावीत ये।।
अरूप विश्वात
आकारबंधांची
आरास मांडीत ये।
सूर्याच्या समोर
अशेष आपुले
अस्तित्व सांडीत ये।।
-कुसुमाग्रज
(१/करार एका तार्याशी)
@Marathi_Kavita_Sangraha 🌻