ليِش طَالبَت بجفاهم
وليِش مِن راحوا بچيت
وليش مِن طَموا
سِچچهم ما رضيت ؟
ولِيش مِن عِشگوا
سَمارك ضَيعتهم
ولِيش مِن رادوا
دُفو ضْلوعَك وَطنهم ، تيهتهم
ولِيش مِن غيَرك خَذاهم ، دَورتهم
وليِش مِن جِهروا مَحبتك ، ما ردتهم
صارحت ساعي البريد
وگتله كُلشي
گتله أحْبَهُم،
وقَربت ساعي البريد وبعَدتهُم
وانتَ تدري الـ رايدك مو بالـ رسايل
ليش مو حَلّوه إديك أحلا الجدايل
لِيش تعَتز بغَلطتك ؟
ليِش تِزعل وانتَ عايل ؟.