#غـوره
لاره پاته

صابر اوسه له یار او له رویباره لاره پاته
زما د زخمي زړه درده بېاره لاره پاته

د ژوند په نوم یو ستړي مراحل دي طئ کوم یې
منصور سره تر اوره او تر داره لاره پاته

یو لږ خو مي د دین او د مذهب خیال ګوره ساته
مؤمن یم د ظالمو ړوند بمباره لاره پاته

له تانه خو اوس هم د توتکیو چغار خیږي
زمونږ د بر ګودر دنګه چناره لاره پاته

دا نن مي روژه ماتی هم په لاره باندي کړی
بېګا ته پیشلمی لرم په لاره لاره پاته

#فردوس لا تر منزله پوری نه دی رسېدلی
دعا کي یې هیر نکړي خوږه پلاره لاره پاته

#فردوس_محترم
#غوره_ګلاب
@Ghuara_Gulab