#شور
١-مو بيدي صرت يحسين مجنونك
حگي أبچي وأغار من اليحبونك
كلما أختلي بنوحي،،،أهيم وأآكل بروحي
دليني شسوي ووصل أعيونك
يماي الله أشتهاك الماي وتبلل عطش منك
رسيني أعله بر الشوگ ونطيني أعله گد حزنك
أموت من الخجل يحسين لو يمي حچوا عنك
أكض أگليبي بالگوه،،، وأگول يجوز مو هوه
أقنع روحي بالفدوه،،،وگوم أتخيل بونك
٢-الحنين أنته تعرفه تذبحه الحچايه
ويوميه أنذبح من أدخل أولايه
وشوفن وادم تغثني،،،حچيهم مو مثل حزني
مني أكثر يحبونك عليك هواي شرايه
مرات أشرد من الناس وتخفه بنوايا الهم
واليسألني عن گلبي أگله بنار المخيم
بس العاشگك يحسين حگه بعشگه يتشيم
ويسولف بيك بدموعه،،وأسمك صار موضوعه
وتشب نيران بضلوعه،،ويتطشر وما يلتم
٣-بس أنته الوحيد بناسك أتصييت
ويسألوني وأگلهم والله ماميت
ولاكن مايصدگوني،،، وأسمعهم حچي عيوني
ويدفعني الحزن والشوگ بية أيعت
المايفهم محاچي العين مايستوعب الموقف
وهوه الجرح مو بالعين ليش بكل وكت تنزف
مو راية دمه العشاگ ليش أعله الحنين أيرف
حلاته من يرف الدم،،،ويسري بداخل المهتم
عطرك للنظر والشم،،،صحره العين من أتجف
٤-أريدك بعد ميهمني حچي الوادم
بس كون أنه يمك أشتغل خادم
بس كون أنته تقبلني،،،ترضه وعبد تحسبني
ويدللني غرامك وأبقه الك هايم
أريد أتغرب وماريد أرحل ارد أضل يمك
الهظيمه تلمنه حدر أخيام وانته الباريه تلمك
من دون الخدم ينهاب يحسين الذي أيخدمك
أحله من المطر يلمع،،،العشگ ويطهره المدمع
بغيرك گلبي مايقنع،،،طفل ومچلب بهدمك
_
✍️#حسين حمدان الحلفي
١-مو بيدي صرت يحسين مجنونك
حگي أبچي وأغار من اليحبونك
كلما أختلي بنوحي،،،أهيم وأآكل بروحي
دليني شسوي ووصل أعيونك
يماي الله أشتهاك الماي وتبلل عطش منك
رسيني أعله بر الشوگ ونطيني أعله گد حزنك
أموت من الخجل يحسين لو يمي حچوا عنك
أكض أگليبي بالگوه،،، وأگول يجوز مو هوه
أقنع روحي بالفدوه،،،وگوم أتخيل بونك
٢-الحنين أنته تعرفه تذبحه الحچايه
ويوميه أنذبح من أدخل أولايه
وشوفن وادم تغثني،،،حچيهم مو مثل حزني
مني أكثر يحبونك عليك هواي شرايه
مرات أشرد من الناس وتخفه بنوايا الهم
واليسألني عن گلبي أگله بنار المخيم
بس العاشگك يحسين حگه بعشگه يتشيم
ويسولف بيك بدموعه،،وأسمك صار موضوعه
وتشب نيران بضلوعه،،ويتطشر وما يلتم
٣-بس أنته الوحيد بناسك أتصييت
ويسألوني وأگلهم والله ماميت
ولاكن مايصدگوني،،، وأسمعهم حچي عيوني
ويدفعني الحزن والشوگ بية أيعت
المايفهم محاچي العين مايستوعب الموقف
وهوه الجرح مو بالعين ليش بكل وكت تنزف
مو راية دمه العشاگ ليش أعله الحنين أيرف
حلاته من يرف الدم،،،ويسري بداخل المهتم
عطرك للنظر والشم،،،صحره العين من أتجف
٤-أريدك بعد ميهمني حچي الوادم
بس كون أنه يمك أشتغل خادم
بس كون أنته تقبلني،،،ترضه وعبد تحسبني
ويدللني غرامك وأبقه الك هايم
أريد أتغرب وماريد أرحل ارد أضل يمك
الهظيمه تلمنه حدر أخيام وانته الباريه تلمك
من دون الخدم ينهاب يحسين الذي أيخدمك
أحله من المطر يلمع،،،العشگ ويطهره المدمع
بغيرك گلبي مايقنع،،،طفل ومچلب بهدمك
_
✍️#حسين حمدان الحلفي