#سالوفه_وشعر منقول
ـــــــــــــــــــــــــــــــ
بيوم من الايام شخص يحبله وحده راد ياخذها حاول بشتة طرق ياخذ اليحبها فماكدر
تعرفون عادات وتقاليد العشائر تمنع هذا الامور لاسباب
تزوجت هاي اليحبها بنفس الديره الي هوه بيها
فكام يشوفها من بعيد وهي تشوفه من بعيد فمضه زمن طويل الا ان صارو اجداد
فيوم من الايام هذا الشخص اليحبها على فراش الموت
فناده اولاده .. كلهم انه راح اموت وعندي طلبه قبل لاموت
كلوله كول احنه بخدمتك .... كلهم اريد اشوف فلانه قبل لاموت
المهم ولده وزوجها يدرون بقصة حبهم فراحولها
كلولها ابونه يريد يشوفج قبل لايموت وهاي طلبته .. اجت وياهم وزوجها هم عنده علم اجه وياهم
دخلت علي .. رفع راسه باوعلها حط راسه ومات
ادنت هيه يمه بجت يم راسه .. حطت راسها يم راسه وماتت
هذا المشهد صار كدام ولده وزوجها

اهنا زوجها كال دارمي

ماحضه بغير الموت من جابو دواه
مات واخذ من مات جتاله وياه
ـــــــــــــــــــــــــــــــ