NamMQI Live

NamMQI media markazi fotogalereyasi: Viloyat teatrida boʻlib oʻtgan Namangan muhandislik-qurilish institutining Yangi yil tadbiri.

Viloyat teatrida Namangan muhandislik-qurilish institutining Yangi yil tadbiri boʻlib oʻtdi

Bayram tadbirida institut rektori Sharifjon Ergashev soʻz olib, barchani kirib kelayotgan 2025-yil bilan tabrikladi. Yil mobaynida institut jamoasi tomonidan erishilgan natija va yutuqlarga toʻxtaldi, oʻziga xos sarhisob qildi.

Prezident va nomli davlat stipendiyalari sohiblari sahnaga taklif etildi va ularga tashakkurnomalar topshirildi.

Shuningdek, kasaba uyushma qoʻmitasi sovrini uchun professor-oʻqituvchi va xodimlar oʻrtasida boʻlib oʻtgan shaxmat boʻyicha institut birinchiligi gʻoliblariga diplom va pul mukofotlari topshirildi.

Shundan soʻng viloyat teatri tomonidan sahnalashtirilgan bayram dasturi namoyish etildi. Dasturdan oʻrin olgan spektakllardan parchalar, taniqli xonandalar ijrosidagi dilbar qoʻshiqlar barchaga bayram kayfiyatini ulashdi.

NamMQI media markazi

Oliy ta’lim, fan va innovatsiyalar vazirligi huzuridagi Oliy attestatsiya komissiyasi, Andijon davlat universiteti huzuridagi ilmiy daraja beruvchi DSc.03/30.12.2019.I.60.03 raqamli Ilmiy kengashda Namangan muhandislik-qurilish instituti “Iqtisodiyot” kafedrasi katta o‘qituvchisi BOYTURAYEV OLIMJON URAYIMOVICHning 08.00.17 – Turizm va mehmonxona faoliyati (iqtisodiyot fanlari) ixtisosligida iqtisodiyot fanlari bo‘yicha falsafa doktori (PhD) ilmiy darajasini olish uchun “Farg‘ona vodiysida turizm sohasi raqobatbardoshligini oshirish imkoniyatlari” mavzusidagi dissertatsiyasi himoyasi o'tkaziladi.

Dissertatsiya himoyasi 2024-yil 26-dekabr soat 10:00 da Andijon davlat universiteti ARM binosida o‘tkaziladi.

Texnologik mashinalar va jihozlar kafedrasi dotsenti monografiyasini nstitut axborot-resurs markaziga taqdim etdi

Institut Texnologik mashinalar va jihozlar kafedrasi dotsenti Shuhratjon Halimovning “Kompozit materiallar mustahkamligini oshirish usullari va nanokompozit materiallar” nomli monografiyasi chop etildi.

Ushbu monografiyada kompozit materiallarga oid asosiy tushunchalar, ularning turlari, kompozit materiallarni ishlab chiqarish texnologiyalari haqida soʻz boradi.

Shuningdek, nanokompozit materiallar xaqida maʼlumotlar, nanomateriallarning mexanik xossalariga taʼsir qiluvchi omillar, nanomateriallarni ishlab chiqarish jarayonlari boʻyicha maʼlumotlar oʻz aksini topgan.

Ushbu monografiya muhandislik yoʻnalishlari boʻyicha tahsil olayotgan talabalar, magistrantlar va tadqiqotchilar uchun moʻljallangan.

Muallif monografiyadan nusxalarni institut axborot-resurs markaziga taqdim etdi.

NamMQI media markazi

#Stipendiatlarimiz

Beruniy nomli davlat stipendiyasi sohibi Humoyun Hakimov

Hakimov Humoyun Akbar oʻgʻli 2003-yil 8-iyulda Namangan shahrida tugʻilgan. Hozirgi kunda Qurilish fakultetining 4-bosqich talabasi.

Humoyun Hakimov bir qator respublika va xalqaro tanlovlarda gʻoliblikni qoʻlga kiritgan.
Humoyun 2 ta dasturiy guvohnomaga ega, 20 ga yaqin ilmiy-ijodiy ishlari respublika va xalqaro konferensiyalar hamda jurnallarda chop etilgan.

Humoyun Hakimov Oʻzbekiston Respublikasi Oliy taʼlim, fan va innovatsiyalar vazirining 2024-yil 11-dekabrdagi 464-sonli buyrugʻiga asosan Beruniy nomli davlat stipendiyasi sohibi boʻldi.