Xabaringiz bor, Namangan viloyati hokimligi, Xorijiy tillarni o’rganishni ommalashtirish agentligi Namangan viloyati hududiy vakilligi hamda viloyat Xalq ta'limi boshqarmasi tashabbusi bilan o’tkaziladigan "Eng yaxshi chet til fani o'qituvchisi" tanlovi boshlanishiga sanoqli kunlar qolmoqda.
Ushbu tanlov haqida qisqacha:
■ ko’rik-tanlov 2 bosqichda bo’lib 1-(tuman, shahar) bosqichi 23-fevral, 2- (viloyat) bosqichi mart oyida o’tkaziladi.
■ ko’rik-tanlovda ishtirok etish ixtiyoriy bo’lib, unda ishtirok etish uchun xorijiy(ingliz, nemis) tillar o’qituvchilari mutaxassisligi bo’yicha kamida bakalavr darajasidagi oliy ma’lumot hamda kamida 3 yillik pedagogik mehnat faoliyatiga ega bo’lishlari talab etiladi.
■ ko’rik-tanlovning barcha bosqichlarida har bir xorijiy tillardan (ingliz, nemis) 3 nafardan g’oliblar aniqlanadi.
■ tanlovda ishtirok etish istagini bildirgan xorijiy(ingliz, nemis) tillar o’qituvchilari tuman chet tili metodistlari nomiga ariza bilan murojaat qiladi va quyidagi hujjatlarni taqdim etadi: pasporti nusxasi, diplom nusxasi, ish joyidan ma’lumotnoma va mehnat daftarchasining nusxasi.
■ ko’rik-tanlovning 1-(tuman) bosqichi 3 ta yo’nalish asosida o’tkaziladi:
1-yo’nalishda ishtirokchilarning tinglab tushunish bo’yicha bilimini baholash.
2-yo’nalishda ishtirokchilarning o’qib tushunish ko’nikmasini baholash.
3-yo’nalishda ishtirokchilarning grammatika va lug'at bo’yicha bilimini baholash.
■ ko’rik-tanlovning 2-(viloyat) bosqichi 3 ta yo’nalish asosida o’tkaziladi:
1-yo’nalishda ishtirokchilarning tinglab tushunish bo’yicha bilimini baholash.
2-yo’nalishda ishtirokchilarning o’qib tushunish ko’nikmasini baholash.
3-yo’nalishda ishtirokchilarning yozish ko’nikmasini baholash.
4-yo'nalishda ishtirokchilarning gapirish ko'nikmasini baholash.
■ tanlovning ikkinchi (viloyat) bosqichida ingliz tili fanidan 1-2-o’rinni, nemis tili bo’yicha 1-o’rinni egallagan ishtirokchilar xorijda malaka oshirishga yuboriladi.
Hujjatlarni qabul qilishning so'ngi muddati: 22-fevral 11:00
Ko'rik-tanlov o'tkaziladigan sana:23-fevral, Chorshanba
https://t.me/NamanganLPA
