‏مقتنع جداً اني مش بقابل حد مهما كان كويس او وحش صدفه وان في سبب من ربنا،يمكن قابلت الوحش عشان اتعلم حاجات كتير منها امتي اقدر انسحب من اي علاقه متعبه واختار مبادئ وراحتي،ويمكن قابلت ناس شبهي قابلت ناس واتاذت منها وفقدت الثقه عشان بعض ونرجع الثقه ونثبت ان الناس مش شبه بعض، مفيش صدف احنا بنعرف بعض لأسباب، منها اسباب مجهوله، ومنها أسباب واضحه، ومنها اسباب بنتعلم منها وممكن نتعلم غلط، ومنها اسباب واضحه ان احنا موجودين عشان نخفف عن بعض ونساعد بعض مش نخاف من بعض ونبادل بعض بالخبث وعدم الثقه ناس كتير فاهمه غلط كلنا عندنا اسباب البعد عن أي حد يدخل حياتنا وكلنا عندنا اسباب اننا نكون انطوائين مليون سبب بس اسباب غير واضحه ومبررات عبيطه اوي والأسباب الواضحه قليل مننا اللي بيكون عارفها وشايفها انا واثق في ربنا وفي اختيار اي حاجه ليا عشان كدا لما حد بيدخل حياني مش بفكر هعمل معاه ايه بكرا انا بس بدعي ربنا بقول يارب اختارلي ومتخيرنيش، والحقيقه ان دايما باخد كل حاجه بسبب، ربنا ظهرلك واحد ع حقيقته لسبب، حد كويس دخل حياتك بعد مليون شخص وحش لسبب، نفهم شويه بلا اسرع ف اتخاذ القرارات البعد وتجنب أشخاص تتمنى بعد كدا يكونوا ف حياتك..

_نورسين•