نجمتي لا تنام

@myownconspircy || أعتذر للكائنات الفضائية

‏ لم أفهم الهواء إلاّ حين تنفستُكِ ، لم أعرف الماء إلاّ حين سالت دموعُكِ ، لم أعرف التُراب إلاّ بَعد أن مشيتُ فوق خطواتُكِ ولم أفهم النار إلاّ حين دخلتُ الشُعلة ، شُعلة حُبّكِ .
- عبد العظيم فنجان

‏كان جمالها من الجمال النظيف الذي قد يصفه كتُّاب الدراما بأنه آت من الداخل
يجذب الذين يقعون في الغرام بسهولة
المولعين بخرافات الملائكة
الطيبين ذوي قلب من ذهب
كانت ملامحها تشي بنقاء
نقاء الثلج المعطرة بالبراءة في بلاد الأقزام

بيني وبينك وما بين البينِ بينُ ..
وشيء من اللاشيء ..
كـ قاف بعد الشين وماقبل الشين عين .

بعد سنوات طويلة، ستحب كل الأشياء التي تحمل رائحة ذكرياتك الجميلة، حتى الأغاني التي لا تحب سماعها، و الأشخاص الذين كنت تستثقلهم و رائحة العطر الذي لم يرق لك, شعور غريب لا تفسير له..

لن اتخلى عنك يوماً ، فقد اخبرتك مُنذ ان عرفتك انني احببت بقائك بجانبي و انك اصبحت جزءً كبيراً و مهماً في حياتي ، اعتدت صوتك ، حديثك معي و حزنك لـ حزني وفرحك لـ فرحي ، اعتدت ان استمد قوتي و صبري منك اعتدتك معي دائماً بكل خطوة.

@Ayotta_335 : منيرڤا

قِيمتك ليست في عيون الناس .. بل هي في ضميرك فإذا أرتاح ضميرك إرتفع مَقامك..
🌿.

مثل متعرفون كعراقيين انه سمعة #المطيرجي بمجتمعنا كلش زفت لذلك ابوية جان يكوللنا الي يجيب طير للبيت اكص راسه قبل راس الطير #داعشي متقاعد🤣
طبعا هذا الحجي بالتسعينات واني بصف سادس ابتدائي
جوارينا جان مطيرجي مخضرم وكلش خبرة بالطيور وجان ثابرنا ثبيرة بالضروك والصياح والعياط مالته الظهرية ويشمر حجار وشكو طير يموت عنده يشمره بسطحنا😒 ولهالسبب ابويه جان كاره الطيور والمطيرجيه...
بيوم من الأيام لكيت بحديقتنا طير ابيض بعده #هرفي😁يعني صغير بس يكدر يطير ع النص
اني جان عندي عيد لزمته ورحت على ابويه كتله هذا جان واكع بالحديقة ولزمته خلي اربيه!؟🙄
مادري شلون وافق بس من ورا خشمه ...
اني مكعدت راحه كمت افيك علساس صرت جبير وعتيك بالشغلة ومطيرجي صرت (عبالي مهنة حلوة)
مبقيت احد من جهال فرعنا مشوفتلهيا
اثاري هذا المطيرجي جوارينا شايف الطير عندي والظاهر جان نوعية زينه تسوه
جان يجي على ابويه العصر كله ابو سيف بلا زحمة هذا الطير الي عند سيف مالتي وجان واكع عليكم واني صاري يومين ادور عليه..
هنا ابويه كيف وطكت اصبعتين😒 لان رح يخلص من الطير...اجه اخذه مني واني ابجي واكوله والله مو مالته 😭
المهم نطاهيا وراح واني بقيت من جوه أغلي ماعرف شسوي😔
المهم ورا يومين خطرت ببالي فكرة اعتقد إبليس شاورني وكلي بيها😂🤣
الظهر الناس كلها نايمه وماكو احد بالشوارع ومتسمعون بس صوت القايش مال المبردات تصرج😁
طبعا جان اكو بحديقتنا ماعرف كم شجرة رمان فالرمان العالي منلوحه يتيبس يعني يكحف بس ينطخ ينكسر عبالك بيض
كتله لاخويه تعال نصعد ع الرمان نكطع رمان يابس كلي شنسوي بي كتله بس تعال هسه
المهم كطعنا عشر رمانات يابسات
كتله روح جيبلي درنفيس
لزمت الدرنفيس وزرفت الرمانات وبحوشتها كلها و وكعت الحب مالها وبقيتها فارغة#جوفاء😁
صفيت الحب وجمعته
كتله روح للكنتور مال ماما اكو سم مدعبل (جنت اقصد النفثالين جانو يحطوه ويه الملابس) كتله جيبلي ٤
راح جاب ٤
لزمت حطيت السم المدعبل بجيس وطحنته سويته طوز
رجعت ع الحب مال الرمان رشيت عليه شويه مي رطبته بس
بعدين خلطته ويه طوز السم😁
وبديت ارجع الحب(المسموم) المخلوط بالسم المدعبل بالرمانات شويه شويه لما رجعت ترستها كلها
وراها سديت الزروف مال الرمانات بالطين😁
وهنا صار عندي قنابل سامة مملوءة بالحب السام
جان اشمرها كلها العشر رمانات بالسطح مال #المطيرجي الي اخذ حمامتي😔💔وقهرني 😒
الرمانة توكع بالسطح وتتكسر ويطلع حب الرمان مثل الحنطة بس مسموم والطيور مالته تأكل منه😁🙄
المهم كلبتها #حلبجه 🤣 ماتذكر كم طير عنده مات🙄
وعاشوا عيشة سعيدة
وهاي صورتي بالاول متوسط يعني بعد مرور سنة ع الحادثة الاليمة مع العلم شكلي بريء والله 🙄

طبعا مو اني الي مسوية المكسورة بنت اخوي ربي يحفظها
كان عمرها ٦سنوات كولش دبدوبة وتحب الاكل فقررنا نسويلها دايت وكوله اكل صحي
فهية بقت تنگ تريد اكل من برة (واله كباب) ومتقتنع بسالفة الدايت گولنالهه ماعدنه فلوس نشتريلج
اجانه خطار وكعدت المرية يمنه ودتسولف وكالت اريد اشتري بايسكل لابني وراحت السالفة وسولفنا غير موضوع وتفاجئنه ببنت اخوي داخلة علينه وبيدهه بايسكلهه وگالت للمرية خالة تشترينه وباوعت علينه وانطتنه هاي النظرة 😒😒 جان تكولنه لحد يدخل بايسكلي واريد ابيعه بقينه ساكتين🤭🤭🤭🤭 ومتفاجئين وكل بالنه هيه متريده لان متلعب بي
اتخيلوا باعته ب٢٥
بعد ما مشت المرية جابت الفلوس وانطتنه هذا الوجه 😁😁😁 بعته علمود تشترولي بفلوسة كباب
وقسمت الفلوس قسمين گلتله بابا هذول تشتريلي بيهم اليوم وهذول ع باجر 😂😂😂😂

هاي صار ويايه موقف كلش محرج جنت اني وصديقتي رايحين لمطعم المهم ف دانروح نغسل ايدنا قبل مناكل ارضية المطعم جانت خشب يمكن يعني تزحلك المهم اتزحلكت اني وردت اوكع شلون وكعة والمطعم جان مليان وجان اكو اصلا عيد ميلاد يعني الفشلة الزينة ومن ذاك الوكت توبت امشي سريع ع هيج نوعية ارضيات 🙂

من جنت بصف الخامس الابتدائي جان ابويه مدير مدرسه وياخذنه رياضيات هم(الله يرحمه)
اني جنت كسلان وجان واحد يانه القدوه مال صف كلش شاطر جنت اتخبل منه اكرهه حيل😂
من يصير امتحان ابويه يجيب الاوراق مال امتحان للبيت🏠 اني العصر اطلع الاوراق واطلع ورقه الولد الشاطر واستلمهه بالمساحة دك مسح واكتب غلط ومرات اشك الورقه وابدلهه ورقه جديده
واطلع اوراق جماعتي الكساله واحل فول مارك
بليل ابويه يكعد يصحح يكول اففف هذا شبي القدوه شنو تخبل
وراها يوزع الاوراق هذا القدوه يكوم يلطم ستاذ والله كولشي كتبت وكلشي اعرف
يوم من الايام ابويه كبسني متلبس 😂😂 ما اسولفلكم خلاني سبوع كامل يوميه اوكف قصاص بدرسه وطلاب يضحكون عليه😂😂😂😂😂

جان عندنا مدرسه تجينا بمادة اسبوعية اسمها المهني بالاول متوسط فتطينا تحاضير هواي وجانت بس تكتل بينا تريد الطالب يشرح لحد ما اكله كافي فجانت تكعد على اول رحلة فخليت بسمار بيها على شكل جنگال عالحافة وظليت منتظر اكثر من درسين لحد ما جلبت تنورتها بيها جانت تلبس تنوره موديل البرنسيسه فانشكت تنورتها واني جنت واقف قصاص اني وكم طالب هي تعصبت وصرخت روح جيبلي عباية من الادارة ادبسز عليمن تضحك اني الكم رحت اركض وافتريت على المدرسات كلهن كتلهن ست فلانه انشكت تنورتها تريد عبايه وين الكه بعدين رحت للادارة لكيت المعاون ويمه المدير كتله استاذ اريد عبايه ست فلانه انشكت تنورتها رجعت لكيت مدرسات بشعبتي والمدرسه صاريه حمره طاكه روحها جان تكتلنا كل واحد ١٥ عوده واحنه حاصرتنا الضحكة

مكسورتي محد مسويها

جنت بالمتوسطه المدير صديق ابويه كل يوم العصر يشرب جاي يمه

اني جنت كلش وكح و ما اكعد راحه مره كسرت جامه مال صف و كلولي لازم تجيب ولي امرك طلعوني بالدرس الثاني كلولي روح جيبه اني اخاف من ابويه ما ادري شنو اسوي ظليت افتر بالشارع

لكيت شايب جبير بالشارع كلتله عمو طلعوني من المدرسه و يريدون ولي امري و اني ابويه مسافر المهم قنعته

اخذته و رحت للمدير كلتله استاذ هذا ابويه، كام يدك و يلطم على راسه كله حجي انت روح

و سد عليه باب الاداره و كتلني كتله زوعني العافيه

يكتل بيه و يصيح " اني مو صديق ابوووك و اعرفه " 😂😂😂😂

جنت بالكليه وعندي صديقي علاقتي بي قويه اسمه حيدر الله يذكره بالخير هسه طفر الامريكا المهم جان ماكو واحد خلصان من عدنه اذا ما نحجي عليه
المهم ابو الحيدر اتوفه الله يرحمة . هنا لازم اقوم بالواجب ورحت وياهم للنجف وصلنه للنجف اكو سيارات صغار يخلون التابوت بيهن السياره يخلون تابوتين بيها المهم خلينه ابو حيدر وجابو يمه شهيد خلو بالسياره وهنا صرت بصف حيدر وكتله حيدر بدل ابوك بالشهيد خل يدخل الجنه ما اسولفلكم هنا حيدر سوه روحه يبجي بس هو كاعد يضحك والحد الان يكلي شلون هيج اتسوي بيه