آجر .

ما تخليش لا بنت ولا صديق ولا حتى قريب يكسرك ، انت راجل والراجل قيمته مش في جيبه ولا في شكله ، قيمته في موقفه وقت الشدة ، في كلمته اللي ما ترجعش ، وفي وقفته اللي ما تهزهاش ريح ، مش الراجل اللي يجري ورا كل شي يلمع ، الراجل اللي يعرف يوقف ، يفرق بين الصح والغلط ، ويعرف ان مش كل يد تنمدله تستاهل يتشد فيها ، عيبك الكبير يا صاحبي إنك مرات تفرط في نفسك وتخلي غيرك يتسلى بيك ، وبعدها تقول خانوني لا ما خانك حد انت اللي عطيت قيمة للي ما يستاهلش ، خلي روحك غالية ، وما تطيحش قيمتك على كلمة حلوة ولا تبيع رجولتك بضحكة مزيفة ، صدقني اللي يبيك يجيك من غير ما تنده عليه .

فِي اللي يدير فِ إلغاء تفعيل لحسن الظن ويحسابها فلاحة ولا قوه شخصيه ، ويبدا عاد يحلل ويشوف فِ روحه الواو اللي مُش فايت عليه شي ومكتشف خبث الناس وشن قصدهم الحقيقي من هذيك الكلمة ومن هذاك الموقف ، مشروع ذنوب قوي .

وتَظُن أنكَ داخِل الكتاب
وأنتَ لم تلمس الغِلاف حتّى .

متعاملش معا المريض النفسي كأنه كيفك وزيك راهو عايش في دنيا بروحه ، مرات عايش معا ناس وسيناريوات في مخه محد غيره يحس بيهن ، المرض النفسي مش نوع واحد راهو انواع واشكال ، نصيحه مني لكي ارفق بيهم وبحالهم ، خصوصاً لو حد غالي عليك ، بس في فرق كبير بين المريض النفسي اللي مشخصينه دكاتره ، وبين اللي يطلع عيوبه فينا ويسميها مرض .